وزیر اعلیٰ پنجاب کی ہدایت پر فوڈ ڈائریکٹوریٹ پنجاب شفافیت کی جانب گامزن ہے،ترجمان محکمہ پرائس کنٹرول پنجاب کے مطابق نااہلی، کرپشن اور مافیا کی سہولت کاری کرنے پر 3 افسران کو نوکریوں سے برخاست کردیا گیا،برخاست ملازمین کیخلاف پیڈا ایکٹ کے تحت کارروائی کی سفارشات بھی بھجوا دی گئیں
،رحیم یار خان کے فوڈ گرین انسپکٹر پر سرکاری باردانہ میں خرد برد کا الزام ثابت ہونے پر 25 لاکھ روپے کی ریکوری کا حکم بھی دے دیا گیا، علاوہ ازیں 4 فوڈ گرین انسپکٹرز اور 2 فوڈ گرین سپروائزر کے بھی تبادلے کر دیے گئے ہیں۔ ترجمان نے واضح کیا کہ غیر قانونی سرگرمیوں میں ملوث ملازمین کو کسی صورت رعایت نہیں دی جائے گی، وزیر اعلیٰ پنجاب کی ہدایت پر محکمے میں شفافیت کو یقینی بنانے کیلئے سخت نگرانی اور زیرو ٹالرنس پالیسی پر عملدرآمد کیا جارہا ہے۔
