کمشنر لاہور ڈویژن نعمان یوسف کی زیر صدارت وزیراعلی پنجاب یوتھ گیمز 2026.27 آن لائن رجسٹریشن کے حوالے سے اجلاس منعقد ہوا۔ اجلاس میں ڈی سی لاہور کیپٹن ر علی اعجاز اور صدر آل پاکستان پرائیویٹ سکولز ایسوسی ایشن کاشف مرزا نے شرکت کی۔ کمشنر لاہور نے لاہور ڈویژن میں رجسٹریشن پراسیس و پیشرفت کا جائزہ لیا۔ محکمہ سپورٹس پنجاب نے رجسٹریشن پراسیس کے حوالے سے بریفنگ دی۔ بریفنگ میں بتایا گیا کہ محکمہ سپورٹس پنجاب کے تحت آن لائن رجسٹریشن 5نومبر تک جاری رہے گی۔اس موقع پر گفتگو کرتے ہوئے کمشنرلاہورڈویژن نعمان یوسف نے کہا ہے کہ وزیراعلی پنجاب یوتھ گیمز میں شرکت کیلئے آن لائن رجسٹریشن جاری ہے۔ انہوں نے کہا کہ وزیراعلی پنجاب یوتھ گیمز میں یو سی سطح تا پنجاب سطح پر کھلاڑی حصہ لیں گے۔ پنجاب یوتھ گیمز میں تمام پبلک اور پرائیویٹ تعلیمی اداروں سکولز، کالجز، یونیورسٹیز، مدارس، سپیشل سکولز، ٹیوٹا سے کھلاڑی مختلف کیٹیگریز میں حصہ لیں گے۔ کمشنر لاہور نے کہا کہ آن لائن رجسٹریشن کیلئے تمام محکموں کا جائزہ گروپ قائم ہے روزانہ پیشرفت کریں۔ انہوں نے کہا کہ وزیراعلی پنجاب یوتھ گیمز سے طلبا و طالبات کی سپورٹس سرگرمیوں کو فروغ ملے گا۔ اجلاس محکمہ سکولز، ہائیر ایجوکیشن، کالجز، سپیشل ایجوکیشن، سپورٹس و دیگر محکموں کے افسران نے شرکت کی جبکہ میں ڈی سی ننکانہ، شیخوپورہ اور قصور نے بزریعہ ویڈیو لنک شرکت کی۔۔
*وزیراعلٰی پنجاب یوتھ گیمز میں یو سی سطح تا پنجاب سطح پر کھلاڑی حصہ لیں گے،کمشنر لاہور*
