*محکمہ بلدیات پنجاب نے پنجاب لوکل گورنمنٹ یونین کونسلز ایمپلائز سروس رولز 2026ء کی منظوری دے دی*

محکمہ بلدیات پنجاب نے پنجاب لوکل گورنمنٹ یونین کونسلز ایمپلائز سروس رولز 2026ء کی منظوری دے دی ہے۔صوبائی کابینہ کے فیصلے کی روشنی میں گزٹ نوٹیفکیشن کے لئے رولز محکمہ قانون پنجاب کو بجھوا دیئے گئے ہیں۔سیکشن آفیسر ایڈمن ون شمائلہ صدیقی کی جانب سے سیکرٹری لوکل گورنمنٹ زید بن مقصود کی جانب سے منظوری کے بعد نوٹیفکیشن جاری کیا گیا ہے۔پنجاب کی یونین کونسلز میں 20 سال سے سروس رولز نہ ہونے کی وجہ سے سینکڑوں ملازمین ترقیوں سے محروم چلے آ رہے تھے جس میں اعلٰی تعلیم یافتہ ملازمین بھی شامل تھے۔پنجاب کی یونین کونسلوں کیلئے 1981 میں سروس رولز بنائے گئے تھے جو 2006 تک چلے۔2007 میں ٹی ایم ایز کیڈر کے تحت نئی بھرتیوں کے بعد سے سروس رولز نہ بنائے گئے۔ پنجاب لوکل گورنمنٹ یونین کونسلز ایمپلائز سروس رولز 2026ء کا فائدہ 3500 کے قریب نائب قاصدوں اور 2500 سے زائد یوسی سیکرٹریز کو ہو گا۔ایف اے پاس نائب قاصدوں کی پرموشن کیلئے 20 فیصد کوٹہ ضلعی سطح پر مختص کیا گیا ہے۔