وزیرخزانہ و ریونیو، آزاد حکومت ریاست جموں و کشمیر چوہدری قاسم مجید کی زیرصدارت کابینہ اجلاس میں کیے گئے فیصلوں اور حکومت اور JAAC کے درمیان معاہدہ پر عملدرآمد کا جائزہ لینے کے حوالہ سے میں اجلاس منعقدہوا ۔ اجلاس میں سیکرٹری قانون، سیکرٹری برقیات ، سیکرٹری سروسز ، سیکرٹری ہائر ایجوکیشن ، سیکرٹری اطلاعات اور دیگر آفیسران نے شرکت کی ۔ اجلاس میں فیصلہ کیا گیا کہ تمام FIRs واپس کی جائیں گی اور جن لوگوں کو Character Certificate کی ضرورت ہے ان کو مطلوبہ سرٹیفکیٹ جاری کیے جائیں۔اجلاس میں فیصلہ کیا گیا کہ شہداء کے ورثاء میں سے ایک شخص کو سرکاری نوکری دی جائے گی ۔ زخمی کو 10 لاکھ اور شہداء کو 1 کروڑ روپے اور تمام پراپرٹی ٹیکسز کو پنجاب کے برابر لایا جائیگا ۔ اجلاس میں گریٹر واٹر سپلائی سکیموں کو فوری طور پر مکمل کرنے اور ہائی کورٹ نے اوپن میرٹ کے حوالہ سے جو فیصلہ کیا ہے اس پر من و عن عمل درآمد کیا جائےگا۔ برقیات سے متعلق جو بھی جملہ معاملات زیر کار ہیں ان کو فوری حل کرتے ہوئے جلد از جلد رپورٹ پیش کی جائیگی۔ اجلاس میں تعلیمی بورڈ پونچھ اور مظفر آباد میں قائم کیے جائیں گے تاہم میر پور بورڈ سے اثاثہ جات منتقل نہ کیے جائیں گے ۔کوٹلی DEO آفس سے جاری شدہ فیمیل اساتذہ کے متنازعہ تبادلہ جات کو فوری طور پر Cancel کیا جائےگا ۔ ہیلتھ کارڈ پر فوری کارروائی کی جائیگی۔ وزیر خزانہ نے ہدایت کی کہ MRIs مشین جدید ترین خریدی جائیں،Hydel پر اجیکٹس سے متعلق معاملات محکمہ قانون اور برقیات فوری حل کرتے ہوئے رپورٹ پیش کریں ۔ معذور افراد کا کوٹہ ایک سے بڑھا کر 5فیصد کرنے کے لیے معاملہ Cabinet کے اجلاس میں پیش کیے جانے کی ہدایت کی گئی ۔انہوں نے ہدایت کی کہ طلباء یونین کے Code of Conduct کے لیے تشکیل شدہ کمیٹی فورا اپنی رپورٹ پیش کرے۔ لوکل گورنمنٹ ACT،1990 کی بحالی کے سلسلہ میں عدالتی سطح پر موثر پیروی کی جائے۔
لوکل گورنمنٹ ایکٹ 1990 کی بحالی کے سلسلہ میں عدالتی سطح پر موثر پیروی کی جائے،آزاد کشمیر کابینہ اجلاس میں فیصلہ
