وزیر بلدیات پنجاب ذیشان رفیق عیدالاضحٰی کے دوسرے روز بھی متحرک، فیصل آباد،ٹوبہ ٹیک سنگھ، گوجرہ، قصور،اوکاڑہ کا دورہ

وزیراعلٰی پنجاب کی ہدایت پر وزیر بلدیات ذیشان رفیق عید کے دوسرے روز بھی متحرک رہے۔صوبائی وزیر کا فیصل آباد کا دورہ، ایم پی اے شعیب صدیقی بھی ہمراہ تھے۔ڈپٹی کمشنر فیصل آباد ندیم ناصر، ایف ڈبلیو ایم سی کے سی ای او نے بریفنگ دی۔ذیشان رفیق نے فیصل آباد کے مختلف علاقوں میں جاری گرینڈ عید آپریشن کا جائزہ لیا۔وزیر بلدیات نےکنٹرول روم اور چوک گھنٹہ گھر میں آگاہی کیمپ کا دورہ کیا۔فیصل آباد میں ماحول دوست ویسٹ بیگز کی تقسیم کی تفصیلات معلوم کیں۔ذیشان رفیق نے فیصل آباد میں صفائی کے مجموعی انتظامات پر اظہار اطمینان کیا۔وزیر بلدیات ذیشان رفیق نے کہا کہ پنجاب بھر میں عید صفائی آپریشن کامیابی کے ساتھ جاری ہے۔لاہور، قصور، اوکاڑہ کے بعد فیصل آباد کا دورہ کر رہا ہوں۔مزید اضلاع میں بھی جائوں گا، وزیراعلی کے مقرر کردہ اہداف حاصل کریں گے۔

صوبائی وزیر نے الائشوں کو بروقت ٹھکانے لگانے کی سخت ہدایات جاری کیں۔انہوں نے کہا کہ شہریوں کی شکایات پر فوری ایکشن لے کر رپورٹ بھجوائی جائے۔صوبائی وزیر نے گلی محلوں کا دورہ کر کے شہریوں سے بھی فیڈبیک لیا۔شہریوں نے وزیراعلٰی مریم نواز کے اقدامات اور حکومت کے عید صفائی پلان کی تعریف کی۔دیہات میں بھی صفائی ہو رہی ہے، سی ای او ایف ڈبلیو ایم سی روف احمد نے بریفنگ میں بتایا۔وزیر بلدیات پنجاب نے النجف کالونی میں صفائی کا جائزہ لیا، شہریوں سے بات کی۔ڈی گرائونڈ میں قائم ویسٹ منیجمنٹ کمپنی کے کیمپ کا معائنہ، ویسٹ بیگز تقسیم کئے۔ذیشان رفیق نے کہا کہ عید پر صفائی کا معیار آج سے پہلے کبھی ایسا نہیں تھا۔یہ سب وزیراعلٰی مریم نواز کی لیڈر شپ کی وجہ سے ممکن ہوسکا۔ستھرا پنجاب پروگرام کو ہر شہر ہر گائوں تک پہنچایا گیا ہے۔ایک لاکھ 30 ہزار ورکرز کام کر رہے ہیں، 30 بلین کی مشینری استعمال ہو رہی ہے۔ شہری ہمارے ساتھ تعاون کریں، آلائشیں نہ اٹھائی گئی ہوں تو 1139 پر اطلاع دیں۔پہلی بار دیہی علاقوں میں بھی شہروں کی طرح یکساں صفائی کی جا رہی ہے۔سینٹری ورکرز ہمارے ہیروز ہیں، وزیراعلی ورکرز کی بہت قدر کرتی ہیں۔ ڈی سی کیپٹن(ر) ندیم ناصر نے بتایا کہ ضلعی انتظامیہ کی ٹیمیں بھی مہم کی نگرانی کیلئے فیلڈ میں موجود ہیں۔شہریوں کی شکایات پر ٹیمیں فوری موقع پر پہنچتی ہیں۔ڈویژن میں 16 ہزار 789 ورکرز 4495 مشینری کی مدد سے صفائی کا کام کر رہے ہیں، سی ای او روف احمد نے بتایا کہ ڈویژن کے چاروں اضلاع میں پہلے دن 13 ہزار 237 ٹن آلائشوں کو ٹھکانے لگایا گیا۔وزیر بلدیات ذیشان رفیق اگلے مرحلے میں گوجرہ اور ٹوبہ ٹیک سنگھ پہنچ گئے۔صوبائی وزیر نے فیصل آباد ویسٹ مینجمنٹ کمپنی کے زیراہتمام صفائی انتظامات کا جائزہ لیا۔ڈپٹی کمشنر ٹوبہ ٹیک سنگھ نعیم سندھو، اے سی گوجرہ صدف اکبر کی وزیر بلدیات کو بریفنگ دی۔مسلم لیگ ن کے رہنما عقیل اعوان بھی صوبائی وزیر کے ہمراہ تھے۔صوبائی وزیر نے آلائشوں کی تلفی، صفائی اور دھلائی کے اقدامات کا معائنہ کیا۔وزیر بلدیات نے صفائی آپریشن کے دوران ورکرز اور افسروں کارکردگی کو سراہا۔ذیشان رفیق نے صفائی کیلئے عرقِ گلاب اور چونے کے استعمال کی بھی تعریف کی۔ وزیراعلیٰ کے "ستھرا پنجاب” ویژن کے تحت تمام ادارے متحرک ہیں۔وزیر بلدیات ذیشان رفیق نے کہا کہ آج آلائشوں کی تعداد نسبتا کم ہے پھر بھی پوری مشینری متحرک ہے۔آخری دن کے اختتام تک یہی جذبہ برقرار رہنا چاہیئے۔وزیر بلدیات نے شہریوں سے بھی صفائی انتظامات کے حوالے سے فیڈبیک لیا۔وزیر بلدیات نے ہدایت کی کہ ہیلپ لائن پر موصول ہونے والی شکایات کا فوری ازالہ کیا جائے۔