صوبائی وزیر برائے ہاؤسنگ بلال یاسین نے دفتر میں کھلی کچہری کے دوران لیگی کارکنان اور حلقے کی عوام کے مسائل کی شنوائی کی۔ انہوں نے مسائل کے فوری حل کیلئے احکامات جاری کیے جبکہ اس موقع پر عوام کی بڑی تعداد شریک تھی۔ رمضان نگہبان پیکج کے تحت ملنے والی رقوم پر مستحق افراد نے وزیر اعلیٰ پنجاب کیلئے اظہار تشکر کیا۔ اس موقع پر صوبائی وزیر برائے ہاؤسنگ کا کہنا تھا کہ تمام رمضان بازاروں میں اشیاء خورونوش سستے داموں میں وافر اور بآسانی دستیاب ہیں۔ عوام کے جیبوں پر ڈاکہ ڈالنے والوں کی سیاست دفن ہوچکی۔ وزیر اعلیٰ مریم نواز نے نئے زاویے سے عوامی خدمت اور ترقی کے ریکارڈ بنائے ہیں۔ بلال یاسین کا مزید کہنا تھا کہ انتشار ، گالم گلوج اور تفرقہ بازی کرنیوالے گروہ کی سیاست اڈیالہ کے گرد گھوم رہی ہے۔ ہم نے گالم گلوچ، الزام تراشی اور کھوکھلے نعروں کی نہیں،خدمت اور ترقی کی سیاست کی ہے۔ خطے کی گھمبیر صورتحال ، خوارج اور دہشتگردوں سے نبٹنے کے باوجود معاشی اعشاریے روز بروز بہتر ہورہے ہیں۔
*تمام رمضان بازاروں میں اشیاء خورونوش سستے داموں میں وافر اور بآسانی دستیاب ہیں۔ صوبائی وزیر ہاؤسنگ*
