*پنجاب ریونیو اتھارٹی نے رواں مالی سال کے 8 ماہ میں 220 ارب سے زائد ٹیکس اکٹھا کر لیا۔*

چیئرمین پنجاب ریونیو اتھارٹی معظم اقبال سپرا کی زیر صدارت ماہانہ ٹیکس ریونیو اہداف بارے اجلاس ہوا۔ پنجاب ریونیو اتھارٹی نے رواں مالی سال کے ابتدائی 8 ماہ میں 220 ارب سے زائد ٹیکس اکٹھا کرلیا۔ گزشتہ سال کی نسبت 63 ارب سے زائد ریونیو اکٹھا کیا گیا ہے۔ یاد رہے کہ گزشتہ مالی سال کے پہلے 8 ماہ میں 156.3 ارب ٹیکس کولیکشن کی گئی تھی۔ چیئرمین پی آر اے نے ماہانہ ریونیو اہداف حاصل کرنے پر کمشنر پی آر اے لاہور محمد آصف کی کارکردگی کی تعریف کی۔ انہوں نے کمشنر پی آر اے فیصل آباد آفتاب احمد اور کمشنر راولپنڈی خالد یامین کی کارکردگی کو بھی سراہا ۔معظم اقبال سپرا نے واضح کیا کہ نئے ٹیکس سیکٹرز کے قیام سے ٹیکس وصولی میں واضح اضافہ ہوا ہے۔ پنجاب کی تاریخ کے سب سے بڑے ٹیکس کولیکشن ہدف کو حاصل کرنے کیلئے مزید انتظامی اصلاحات کی جائیں گی۔