وزیر بلدیات سندھ سید ناصر حسین شاہ نے پاکستان کی پہلی سینیٹری انجینئرنگ لینڈ فل سائٹ جام ساکرو فیز ٹو کا دورہ

وزیر بلدیات سندھ سید ناصر حسین شاہ نے پاکستان کی پہلی سینیٹری انجینئرنگ لینڈ فل سائٹ جام ساکرو فیز ٹو کا دورہ کیا۔پارلیمانی سیکریٹری برائے بلدیات قاسم سراج سومرو، ممبر صوبائی اسمبلی امداد پتافی، ایم ڈی سندھ سالڈ ویسٹ مینیجمنٹ بورڈ طارق نظامانی، پی ڈی سویپ عثمان معظم سمیت ترکش کنسلٹینٹ اور چائنیز کنٹریکٹر دیگر افسران بھی موجود تھے۔لینڈ فل سائڈ میں نئے بلاکس کی تعمیر کے بارے میں بریفنگ دی گئی۔جس میں بتایا گیا کہ 500 ایکڑ پر نئے پانچ بلاکس بنائے جارہے ہیں۔تیرا ارب روپے کی لاگت سے یہ منصوبہ تعمیر کیا جارہا ہے۔روڈز، اسٹروم۔واٹر ڈرین، لیچیٹ ٹینک، وزن کا کانٹا بھی تعمیر کئے جائیں گے۔ایڈمن بلاک، انجینیئرنگ ورکشاپ اور مسجد بھی تعمیر کی جائیں گی۔ہر بلاک کی اونچائی 25 میٹر ہے۔تمام بلاکس کی گنجائش ایک کروڑ تیس لاکھ کیوبک میٹر ہے۔جدید تعمیراتی طریقہ کار کے استعمال سے کچرے کو ری سائکل کیا جاسکے گا۔کچرے سے بجلی بنانا، کاربن بلاکس سمیت دیگر مصنوعات بھی تیار کی جاسکیں گی۔پرانے بلاکس سے بھی کچرا ری سائکل کیا جائے گا۔