وزیر بلدیات سندھ سید ناصر حسین شاہ نےشہر کے مختلف علاقوں کا ہنگامی و تفصیلی دورہ کرتے ہوئے جاری ترقیاتی و مرمتی کاموں، سڑکوں کی خستہ حالی اور حالیہ بارشوں کے بعد پیدا ہونے والی صورتحال کا جائزہ لیا، اس موقع پر وزیر اعلیٰ سندھ کے معاون خصوصی نجمی عالم، ٹاؤن چیئرمین فرحان غنی، ڈی جی کے ڈی اے، ڈائریکٹر میگا پروجیکٹس اور دیگر متعلقہ افسران بھی ان کے ہمراہ موجود تھے، صوبائی وزیر نے ملیر ہالٹ، ملیر چھاؤنی روڈ، یونیورسٹی روڈ، کشمیر روڈ، طارق روڈ اور جناح ایوینیو سمیت شہر کی اہم شاہراہوں کا دورہ کیا اور مختلف مقامات پر جاری ترقیاتی منصوبوں کی پیش رفت، معیار اور رفتار کا تفصیلی معائنہ کیا۔
وزیر بلدیات سندھ سید ناصر حسین شاہ کا کراچی کے مختلف علاقوں کا ہنگامی و تفصیلی دورہ
