چیئرمین پنجاب ریونیو اتھارٹی معظم اقبال سپرا کی زیر صدارت محکمانہ کارکردگی و اصلاحات سے متعلق اجلاس ہوا۔ گزشتہ ماہ صوبے میں سروسز سیکٹر سے حاصل شدہ ریونیو بارے تفصیلی بریفنگ دی گئی۔ پنجاب ریونیو اتھارٹی نے ٹیکس ادائیگی میں خردبرد کی روک تھام کیلئے مؤثر مانیٹرنگ اور انٹیلیجنس نظام مضبوط بنانے کا فیصلہ کیا یے۔ علاؤہ ازیں بقایا جات کی وصولی تیز کرنے کیلئے پی آر اے کمشنرز کو خصوصی مہم شروع کرنے کی ہدایت کی گئی ہے۔ چیئرمین پنجاب ریونیو اتھارٹی نے تمام کمشنرز کو انفورسمنٹ افسران کے مقرر کردہ اہداف کے حصول کیلئے واضح ٹائم لائن مقرر کرنے کی بھی ہدایت کردی۔ معظم اقبال سپرا نے واضح کیا کہ شفافیت اور احتساب کے نظام کو مزید مضبوط بنائے بغیر ریونیو میں اضافہ ممکن نہیں، ٹیکس دہندگان کو سہولیات کی فراہمی اور نظام کو مزید آسان بنانا حکومت کی اولین ترجیح ہے۔ لارج ٹیکس پیئر یونٹ کے قیام سے ٹیکس ادائیگی میں اضافہ اور کاروباری افراد کے مسائل میں کمی آئی ہے۔
