چیئرمین ڈسٹرکٹ کونسل سکھر سید کمیل حیدر شاہ نے ضلع کونسل آفس میں ٹیکس سے متعلق ایک اہم میٹنگ کی، جس میں ٹیکس کلیکشن کے امور کا تفصیلی جائزہ لیا گیا اور متعلقہ افسران کو ضروری ہدایات جاری کی گئیں۔میٹنگ میں ٹیکس وصولی کے نظام کو مزید مؤثر بنانے، درپیش مسائل کے حل اور آمدنی میں اضافے کے حوالے سے مختلف امور پر گفتگو کی گئی۔اس موقع پر چیئرمین سب کمیٹی ٹیکسز سید نوید علی شاہ، فوکل پرسن وزیر بلدیاتی سندھ عرفان علی دائود پوتو، چیف آفیسر ضلع کونسل ظفر اقبال مغل، ٹیکس ڈائریکٹر علی گلزار قاضی، کونسل آفیسر ممتاز ڈھور سمیت دیگر متعلقہ افسران بھی شریک تھے۔
