ڈی جی ایل ڈی اے طاہر فاروق کا ایل ڈی اے سیٹیزن فیسلیٹیشن سنٹر میں سروس ڈیلیوری بہتر بنانے کے لیے اہم اقدام،ڈی جی ایل ڈی اے طاہر فاروق نے ایڈیشنل ڈی جیز اور ونگ ہیڈز کو ڈیوٹیاں تفویض کر دیں۔ایل ڈی اے کے ایڈیشنل ڈی جیز اور ونگ ہیڈز روزانہ 11 سے 12 سیٹیزن فیسلٹیشن سنٹر پر موجود رہیں گے۔ایڈیشنل ڈی جی ہاؤسنگ پیر، ایڈیشنل ڈی جی یوپی منگل کو سیٹیزن فیسلٹیشن سنٹر میں موجود رہیں گے۔
ایڈیشنل ڈی جی ہیڈکوارٹر بدھ، ایڈیشنل ڈی جی کچی آبادی جمعرات اور ایڈیشنل ڈی جی ایس آئی جمعہ کو موجود رہیں گے۔ڈی جی ایل ڈی اے نے ایڈیشنل ڈی جیز، ونگ ہیڈز اور متعلقہ ڈائریکٹرز کو روزانہ مخصوص اوقات میں اپنی موجودگی یقینی بنانے کی ہدایت کی ہے۔ڈی جی ایل ڈی اے نے ہدایت کی کہ چیف ٹاؤن پلانرز، چیف میٹرو پولیٹن پلاننگ اور متعلقہ ڈائریکٹرز بھی اپنے ونگ سے متعلقہ درخواستوں کا فالو اپ یقینی بنائیں گے۔ڈی جی ایل ڈی اے طاہر فاروق نے کہا کہ ایل ڈی اے کے سینئر افسران شہریوں کی درخواستوں میں حائل رکاوٹیں دور کریں گے۔ اس اقدام کا مقصد عوامی شکایات اور مسائل کو فوری حل کرنا ہے۔
