سندھ حکومت نے میونسپل کمشنرز اور چیف آفیسرز کی تعیناتی اور ترقی کے نئے طریقہ کار کی منظوری دے دی۔میونسپل کمشنر BPS-19 کی 80 فیصد آسامیاں محکمہ بلدیات کے BPS-18 افسران کو ترقی دے کر پُر کی جائیں گی، جبکہ 20 فیصد دوسرے محکموں سے افسران لائے جائیں گے۔ٹاؤن میونسپل کمشنر اور چیف آفیسر BPS-18 کی 80 فیصد آسامیاں BPS-17 کے افسران کو ترقی دے کر پُر ہوں گی، جبکہ 20 فیصد دوسرے محکموں سے افسران تعینات ہوں گے۔ بلدیاتی افسران کو اپنے گریڈ کے مطابق دیگر منظور شدہ آسامیوں پر بھی تعینات کیا جا سکے گا۔یعنی بلدیاتی محکمے کے افسران کے لیے ترقی اور نئی پوسٹوں پر تعیناتی کے مواقع بڑھا دیے گئے ہیں۔
