چیئرمین بلاول بھٹو زرداری کے ہمراہ سندھ کے وزیراعلی سید مراد علی شاہ، سینئر وزیر شرجیل میمن اور وزیر برائے توانائی ناصر شاہ موجود تھے۔
چیئرمین بلاول بھٹو زرداری کو وزیراعلٰی سندھ کے معاون خصوصی برائے پبلک پرائیوٹ پارٹنرشپ قاسم نوید قمر نے بریفنگ دی۔چیئرمین بلاول بھٹو زرداری کو زراعت، ماہیگری اور الیکٹرانک وہیکل چارجنگ سمیت مختلف شعبہ جات کے انفراسٹرکچر میں بہتری کیلئے پبلک پرائیوٹ پارٹنرشپ کے منصوبوں پر بریفنگ دی گئی۔ بریفنگ میں بتایا گیا کہ سندھ میں زراعت کے شعبے میں پبلک پرائیوٹ پارٹنرشپ کے انفراسٹرکچر میں بہتری کے منصوبوں سے چاولوں، آلو، کیلے، کینو، آم، امرود اور کھجور سمیت دیگر فصلوں کی پیداوار میں ریکارڈ اضافہ ہوگا۔ چیئرمین بلاول بھٹو زرداری کو سندھ میں ماہیگیری کی صنعت کی برآمد بڑھانے کیلئے پیکجنگ اور پراسسنگ کے پبلک پرائیوٹ پارٹنرشپ کے منصوبوں پر بھی بریفنگ دی گئی۔ چیئرمین بلاول بھٹو زرداری کو سندھ میں عالمی اداروں سے پبلک پرائیوٹ پارٹنرشپ کے الیکٹرانک وہیکل چارجنگ انفراسٹرکچر کے منصوبوں سے متعلق بھی آگاہی دی گئی۔ صحت سے انفراسٹرکچر تک سندھ حکومت پبلک پرائیوٹ منصوبوں کے ذریعے عوام کی زندگیوں میں بہتری لارہی ہے، چیئرمین بلاول بھٹو زرداری نے مزید کہا کہ زراعت اور ماہیگیری سمیت پبلک پرائیوٹ پارٹنرشپ کے منصوبوں سے ہم ملک میں معاشی انقلاب لاسکتے ہیں۔سندھ حکومت نے ملکی معیشت کی مضبوطی کیلئے وطن عزیز کو پبلک پرائیوٹ پارٹنرشپ کے ماڈل کی صورت میں ایک کامیاب معاشی فارمولا دیا ہے۔شہید محترمہ بینظیر بھٹو نے 1993 میں پبلک پرائیویٹ پارٹنرشپ کا وژن دیا جس کے نتائج آج سب کے سامنے ہیں۔
اجلاس میں چیف سیکریٹری سندھ آصف حیدر شاہ اور پبلک پرائیویٹ پارٹنرشپ کے ڈی جی اسد ضامن بھی شریک ہوئے۔
