ڈپٹی میئر کراچی سلمان عبداللہ مراد سے بلدیہ عظمیٰ کراچی کی کونسل میں اپوزیشن لیڈر سیف الدین ایڈوکیٹ پر مشتمل جماعت اسلامی کے وفد نے ان کے دفتر میں ملاقات کی اور مختلف معاملات پر تبادلہ خیال کیا، اس موقع پر سٹی کونسل کے پارلیمانی لیڈر کرم اللہ وقاصی، ڈپٹی پارلیمانی لیڈر دل محمد، یوسی چیئرمین نعمان احمد اور دیگر اراکین بھی موجود تھے، ڈپٹی میئر کراچی سلمان عبداللہ مراد نے کہا کہ تمام علاقوں میں بلدیاتی خدمات کی فراہمی کو بہتر بنانے کے لئے اقدامات کئے جارہے ہیں اور شہریوں کو زیادہ سے زیادہ سہولیات کی فراہمی کے لئے کوشاں ہیں، شہر کے تمام علاقوں میں بلدیاتی سہولیات مہیا کی جا رہی ہیں، ڈپٹی میئر کراچی نے کہا کہ میں خود مختلف علاقوں کے دورے کرنے کے ساتھ ساتھ صفائی ستھرائی کا جائزہ لے رہا ہوں اور کوشش کی جا رہی ہے کہ شہریوں کو ان کی روزمرہ زندگی میں ہرممکن سہولیات فراہم کی جائیں،
