اے پی پی کے وفد کا وفاقی محتسب سیکر ٹیر یٹ کا دورہ، سال 2024ء میں شکایات کے ازالے میں ریکارڈ اضا فہ ہوا۔ وفاقی محتسب

ایسوسی ایٹڈ پریس آف پاکستان کارپوریشن (اے پی پی سی) کے ایک وفد نے وفاقی محتسب سیکرٹیریٹ کا مطالعاتی دورہ کیا۔ یہ دورہ وفاقی محتسب کے بارے میں عوا می آ گا ہی پیدا کرنے کی کوششوں کا حصہ تھا۔اے پی پی کے دورے پر آئے ہوئے وفد کا خیرمقدم کرتے ہوئے سیکرٹری وفاقی محتسب سیکرٹریٹ، سید آصف شاہ نے کہا کہ وفاقی محتسب کا ادارہ میڈیا کو ایک اہم اسٹیک ہولڈر سمجھتا ہے جو وفاقی محتسب کا پیغام عام لوگوں تک مؤثر طریقے سے پہنچا سکتا ہے۔ اس موقع پر وفاقی محتسب کے ایڈ وائزر انو سٹی گیشن، ایڈ وائزرعمل درآمد اور ایڈ وائزرمیڈیا بھی موجود تھے جب کہ اے پی پی سی کے وفد میں رب نواز باجوہ، ڈائریکٹر، وی این ایس اور عبدالقدوس، چیف ایڈیٹر، وی این ایس شامل تھے۔ وفاقی محتسب سیکر ٹیریٹ کے سینئر افسران نے بریفنگ کے دوران وفد کو بتایا کہ یہ ادارہ ہر سال ملک کے لاکھوں شکا یت کنند گان کو ریلیف فرا ہم کر رہا ہے۔ سال 2024ء میں، وفاقی محتسب کو ریکارڈ تعداد میں عوامی شکایات موصول ہوئیں، جن کی تعداد 226,373 تھی، جب کہ 223,198 شکا یات کے فیصلے کئے گئے جو کہ سال 2023ء کے مقابلے میں بالترتیب 17 فیصد اور 16 فیصد اضافہ زیا دہ ہیں۔ وفد کو بتا یا گیا کہ با ہمی تنا ز عا ت کو نمٹا نے کے غیر رسمی پروگرام (آ ئی آر ڈی)، آؤٹ ریچ کمپلینٹ ریزولوشن (OCR)، کھلی کچہر یوں کے انعقا د اور ٹیکنالوجی کے زیادہ استعمال جیسے اقدا مات سے ادارے کی رسائی اور پہنچ میں نمایاں اضافہ ہوا ہے۔ سال 2024ء کے دوران ادارے کی ایک اور اہم کامیابی اس کے فیصلوں پر موثر عمل درآمد ہے جو کہ 2023 ء کے دوران 85.70 فیصد سے بڑ ھ کر 93.21 فیصد ہو گیا۔ انہوں نے کہا کہ یہ ادارہ ملک کے 24 بڑے شہروں میں خد مات فرا ہم کر رہا ہے اور ہیڈ کوارٹر اسلام آباد سمیت تقریباً پورے ملک کا احاطہ کیا گیا ہے۔ وفاقی محتسب کے بین الا قوا می کر دار کا تذ کر ہ کر تے ہو ئے بتا یا گیا کہ وفاقی محتسب انٹرنیشنل اومبڈسمین انسٹی ٹیوشن (IOI) کا فعال رکن ہے، جب کہ ایشیا ء میں محتسبین کی 47 رکنی تنظیم ایشین امبڈ سمین ایسو سی ایشین (اے او اے) کی صدا رت کے لئے پا کستان کے محتسب کا بلامقا بلہ انتخاب پا کستان کے لئے ایک بہت بڑا اعزاز ہے۔ بریفنگ کے بعد سوال/جواب کا سیشن ہوا۔ وفد کے ارکان نے وفاقی محتسب سیکر ٹیریٹ اور اس کے علاقائی دفاتر کے کام اور آپریشنز میں گہری دلچسپی کا اظہار کیا اور وفاقی محتسب کے کردار کو سراہتے ہوئے اس اعتماد کا اظہار کیا کہ وفاقی محتسب کی طرف سے بدانتظامی سے نمٹنے سے ملک میں اچھی حکمرانی اور قانون کی با لا دستی قا ئم کرنے میں مدد ملے گی۔