شہر بھر میں ہر گلی اور محلے میں صفائی نظام کو برقرار رکھنے کے لیے ایل ڈبلیو ایم سی کی جانب سےصفائی ٹیمیں اور مشینری فیلڈ میں متحرک ہیں۔ سی ای او بابر صاحب دین کی ہدایت پر ایل ڈبلیو ایم سی افسران کو سخت مانیترنگ کی ہدایت جاری کر دی گئی ہے۔صفائی کےخصوصی اقدامات کے تحت بابو صابو، ٹھوکر نیاز بیگ، سگیاں پل، راوی پل سمیت دیگر تمام داخلی خارجی راستوں پر صفائی ٹیمیں تعینات ہیں۔فیروز پور روڈ، جیل روڈ، مال روڈ، گلبرگ کے علاقوں میں صفائی ٹیمیں متحرک ہیں۔
داتا دربار، لاری اڈا، آزادی چوک، ریلوے اسٹیشن کے گرد آپریشن ٹیمیں صفائی انتظامات یقینی بنا رہی ہیں۔مزید برآں ایل ڈبلیو ایم سی صفائی آپریشن کے تحت شہر بھر کے 5000 سے زائد کنٹینرز صبح کی شفٹ میں کلیئر کیے جا رہے ہیں۔ تمام شاہراہوں پر مینوئل سویپنگ، مکینیکل سویپنگ کا عمل جاری ہے۔ کمرشل مارکیٹس کے ساتھ ساتھ مرحلہ وار رہائشی علاقوں کو زیرو ویسٹ کیا جا رہا ہے،جبکہ چوبرجی، سیکرٹریٹ، بابا گراؤنڈ میں علاقوں کی کلیئرنس کا عمل بھی جاری ہے۔سی ای او ایل ڈبلیو ایم سی کا اس حوالے سے کہنا ہے کہ وزیرِ اعلی پنجاب مریم نواز کے ویژن ستھرا پنجاب پر عملدرآمد کروانے کے لیے ہر یونین کونسل میں صفائی کے بہترین انتظامات اور مانیٹرنگ یقینی بنا رہے ہیں۔ لاہوریوں کو صاف ستھرا ماحول فراہم کرنا ہی اولین ترجیح ہے۔شہریوں کو صفائی سہولیات کی بروقت فراہمی کیلئے تمام وسائل بروئے کار لائے جا رہے ہیں۔شہریوں سے گزارش ہے کہ گلیوں، محلوں، اوپن پلاٹس میں کوڑا پھینکنے سے گریز کریں۔کوڑا کوڑے دان تک پہنچائیں۔صفائی سے متعلق شکایات کے ازالے کے لیے ایل ڈبلیو ایم سی کی ہیلپ لائن 1139پر رابطہ کریں یا سوشل میڈیا کا استعمال کریں۔
