وزیراعلٰی مریم نوازشریف کے محفوظ پنجاب ویژن کے تحت موثر اور شفاف پولیسنگ کے لئے پنجاب میں پہلی مرتبہ پولیس فیلڈ فورس کیلئے باڈی ورن کیمرے آگئے ہیں -وزیراعلی مریم نوازشریف کی ہدایت پر صوبہ بھر میں باڈی ورن کیمروں کے استعمال کے لئے پولیس فیلڈ فورس کی ٹریننگ مکمل ہوگئی ہے -ابتدائی طورپر لاہور میں باڈی ورن کیمروں سے پراجیکٹ کا آغازکیا جارہاہے،پولیس سٹیشنزمیں کیمروں کے لئے ڈاکنگ پوائنٹ کی تنصیب شروع کردی گئی ہے -باڈی ورن کیمرے صوبہ بھر کے 43شہروں میں قائم سمارٹ سیف سٹی سسٹم سے منسلک ہوں گے -پنجاب پولیس،پنجاب ہائی وے پولیس،ڈولفن فورس اور ٹریفک وارڈنز دوران ڈیوٹی باڈی ورن کیمرے پہنیں گے -باڈی ورن کیمرے میں چہرے کی ڈیجیٹل شناخت کے فیچر سے ملزمان کی شناخت بھی کی جائے گی-جدید ترین باڈی ورن کیمرے میں کالنگ فیچر بھی موجودہے جس سے فوری رابطہ ممکن ہوگا -پولیس کے باڈی ورن کیمرے سے آڈیوویڈیوکے علاوہ تصویر بھی لی جاسکے گی-پولیس کے نئے باڈی کیم پراجیکٹ سے بائیک اور وہیکل نمبر پلیٹ کی آٹو میٹڈ ریڈنگ بھی ہوگی -باڈی ورن کیمرے سے ہنگامی صورتحال میں فوری طورپر تھرٹ الرٹ بھی جنریٹ ہو سکے گا -باڈی ورن کیمرے کے ذریعے دوران ڈیوٹی آڈیو، ویڈیو ریکارڈنگ بھی کی جائے گی-باڈی ورن کیمرے کے ذریعے بلٹ ان میموری میں بھی ویڈیوریکارڈنگ محفوظ ہوگی -ڈیوٹی کے بعد پولیس اہلکار باڈی ورن کیمرے کو مخصوص ڈاکنگ پوائنٹ پر رکھیں گے -ڈاکنگ پوائنٹ پر رکھے باڈی ورن کیمرے کاریکارڈڈیٹاآٹومیٹک ٹرانسفر ہو کر محفوظ ہوجائے گا -باڈی کیم میں ”پش ٹو ٹاک“ فیچر کے ذریعے فیلڈ ڈیوٹی آفیسر کنٹرول روم سے فوری رابطہ بھی کرسکے گا-باڈی ورن کیمرے پر”ایس او ایس“ ایمرجنسی بٹن کے ذریعے کنٹرول روم کو ہنگامی حالات کی اطلاع دی جاسکے گی -پولیس کے باڈی ورن کیمرے سنٹرل مانیٹرنگ سسٹم سے منسلک ہوں گے – پولیس باڈی ورن کیمروں کی متعلقہ ڈسٹرکٹ سیف سٹی کنٹرول روم میں لائیو مانیٹرنگ کی جائے گی-وزیراعلی مریم نواز شریف نے کہاکہ باڈی ورن کیمرے سے نہ صرف مانیٹرنگ ممکن ہوگی بلکہ کرپشن کو بھی روکا جا سکے گا-عوام بالخصوص کمزور طبقات میں یقینی تحفظ کا احساس ہی کامیابی ہے -وزیراعلی مریم نوازشریف نے کہاکہ پنجاب کے ہر فرد کے جان ومال کی حفاظت حکومت کا فرض اولین ہے –
