وزیر اعلیٰ گلگت بلتستان امجد حسین نے گلگت شہر میں صفائی کے نظام کو مزید موثر اور بہتر بنانے کے لیے ویسٹ مینجمنٹ کمپنی کے 268.715 ملین روپے کی لاگت سے تیار کردہ خصوصی منصوبے کا باقاعدہ افتتاح کر دیا ہے۔ اس منصوبے کے تحت شہر کی تاریخ میں پہلی بار جدید ترین مشینری کو ویسٹ مینجمنٹ کے فلیٹ کا حصہ بنایا گیا ہے، جس میں شاہراہوں کی صفائی کے لیے 2 عدد روڈ واشر ٹرک، 3 عدد گاربیج کمپیکٹر ٹرک اور ایک فیولنگ وہیکل شامل ہے۔ وزیر اعلیٰ نے اس موقع پر ویسٹ مینجمنٹ کمپنی کی کارکردگی کو سراہتے ہوئے ملازمین کی فلاح و بہبود کے حوالے سے اہم اعلانات بھی کیے۔ وزیر اعلیٰ نے کہا کہ تمام ملازمین کی تنخواہوں کو حکومت کی متعین کردہ کم از کم اجرت کے برابر کیا جائے گا اور ان کی پینشن کے نظام کے لیے بھی قابلِ عمل تجاویز پر سنجیدگی سے غور کیا جا رہا ہے۔
گلگت شہر میں صفائی کے نظام کو مزید موثر ویسٹ مینجمنٹ کمپنی کے خصوصی منصوبے کا باقاعدہ افتتاح
