وزیراعلٰی پنجاب مریم نواز شریف نے کلاس نہم کے امتحانی نتائج پر خفگی کا اظہارکیاہے-خراب امتحانی نتائج کے حامل ٹیچرز کے خلاف قانونی کارروائی کرنے اور نیا آرڈیننس لانے کا فیصلہ کیاگیاہے-طلبہ کے امتحانی نتائج کو ٹیچر ز کی کارکردگی سے منسلک کرنے پر اتفاق کیاگیا-ہر کلاس میں ماہانہ اور سالانہ امتحان شروع کرنے کا اصولی فیصلہ کیاگیا-اگلے ہفتے مکمل ٹائم لائن اور ریفارمز پلان پیش کرنے اورنویں کلاس کے 20فیصد سے کم رزلٹ پر فوری ایکشن کا حکم دیاہے-وزیر اعلیٰ پنجاب مریم نواز شریف نے بہترین نتائج کے حامل سکولوں کے لئے انعامات کی ہدایت کی ہے-ہر ضلع میں نتائج کے لحاظ سے ٹاپ کرنے والے سکولوں کیلئے انعامات کا اعلان کیا ہے-سرکاری سکولوں میں کمزور طلبہ کیلئے ایوننگ کوچنگ کافیصلہ کیاگیا-پڑھائی میں کمزور طلبہ کو سکول سے نکالنے کے رحجان کی حوصلہ شکنی پر اتفاق کیاگیا-وزیراعلی مریم نوازشریف نے 45دن میں ہیڈ ٹیچرز کی خالی آسامیاں پر کرنے کا حکم دے دیا -سرکارِ سکولوں میں سبجیکٹ سپیشلسٹ کی تعیناتی یقینی بنانے کی ہدایت کی گئی-وزیر اعلیٰ مریم نواز شریف نے منسٹر ایجوکیشن کو ہر سطح پر چیکنگ اور مانیٹرنگ کی ہدایت کی-وزیراعلی مریم نوازشریف نے گورنمنٹ گرلز ہائی سکول بھون/جھنگ کے بہترین رزلٹ پر اظہار اطمینان کیاہے-مظفر گڑھ اورلیہ کے گورنمنٹ گرلز ہائی سکول نتائج کے اعتبار سے دوسرے اور تیسرے نمبر پر رہے -وزیراعلی مریم نوازشریف نے سکولوں کی ڈسٹرکٹ وائز ماہانہ ریٹنگ کا ڈیٹا طلب کر لیا ہے-سکولوں کی مانیٹرنگ کیلئے ”یونیفائیڈ مانیٹرنگ ایپ“ متعارف کرانے کا فیصلہ کیاگیا-پنجاب میں لائبریری آن ویل کا پائلٹ پراجیکٹ لاہور سے شروع ہوگا – سولرائزڈ چارجنگ کے ساتھ لائبریری آن ویل کی تھری ویلر میں 20ہزار سے زائد ڈیجیٹل بکس ہوں گی -لائبریری آن ویل میں ویڈیو لرننگ لیکچر کی سہولت بھی میسر ہو گی -وزیراعلی مریم نوازشریف کی زیر صدارت ویڈیو لنک اجلاس منعقدہوا،جس میں سکول ایجوکیشن پر تفصیلی بریفنگ دی گئی-وزیراعلی مریم نوازشریف نے آؤٹ سورس سکولوں کی کارکردگی رپورٹ بھی طلب کر لی ہے-وزیراعلی مریم نوازشریف نے کہاکہ سرکاری سکولوں میں پوائنٹ سکورنگ سے بات نہیں بنے گی بلکہ بہتری لانا ہوگی-ٹیچرز کی محنت طلبہ کے رزلٹ میں نظر آنی چاہیے –
پنجاب،خراب امتحانی نتائج کے حامل ٹیچرز کے خلاف قانونی کارروائی کرنے اور نیا آرڈیننس لانے کا فیصلہ
