وزیراعلیٰ سندھ سید مراد علی شاہ نے مون سون بارشوں کے دوران متعلقہ اداروں کو ہائی الرٹ رہنے کا حکم دے دیا ہے۔ وزیراعلیٰ سندھ نے کہا ہے کہ شدید بارشوں کے پیش نظر ریسکیو اور انتظامیہ کو متحرک رہیں، اربن فلڈ سے بچاؤ کے لیے نالوں اور ڈرینج سسٹم کی سخت نگرانی کی جائے۔ وزیراعلیٰ سندھ نے میئر کراچی کو ہدایت جاری کرتے ہوئے کہا کہ بارش کے پانی کے فوری اخراج کے لیے مشینری اور عملہ متحرک رکھا جائے، ضلعی انتظامیہ، پولیس اور بلدیاتی ادارے کوآرڈینیشن میں رہیں۔ مراد علی شاہ ٹریفک پولیس کو حکم دیا کہ نشیبی اور مصروف مقامات پر الرٹ رہنے، بارش کے دوران ٹریفک پولیس عوام کی بھرپور رہنمائی کرے، عوام کو موسمی حالات سے باخبر رکھنے کے لیے مانیٹرنگ کا نظام سخت کیا جائے۔
