صوبائی ترقیاتی ورکنگ پارٹی (PDWP) کا 78 واں اجلاس منعقد ہوا فورم نے18ترقیاتی سکیموں کے پوزیشن پیپرز کی منظوری دی۔ 71.668 بلین، منظور شدہ اسکیمیں بنیادی ڈھانچے، امن و امان، آئی ٹی، واٹر سپلائی، فشریز، گورننس اور ادارہ جاتی ترقی پر مرکوز ہیں۔بڑے اقدامات میں کرائم سین یونٹس کا قیام، کالجوں میں آئی ٹی لیبز، ایکوا بزنس ہبس، سی ایم آئی ٹی انٹرنشپ پروگرام، ون میپ پنجاب، اور جیلوں کی سولرائزیشن شامل ہیں۔ ترقیاتی اسکیموں میں لاہور ہائی کورٹ کے افسران کے لیے رہائش گاہیں، کچے کے علاقوں میں پولیس کا انفراسٹرکچر، سیلاب سے بچاؤ کے کام، اور پی اینڈ ڈی بورڈ کی سہولیات کی توسیع بھی شامل ہے۔ اجلاس میں چیف اکنامسٹ پی اینڈ ڈی بی ڈاکٹر فرخ نوید، ممبران پی اینڈ ڈی بی اور مختلف محکموں کے متعلقہ افسران نے شرکت کی۔
