کمشنر ہزارہ کے دفتر میں 2022 میں متحدہ کوہستان کے ساتھ ہونے والے معاہدے پر پیش رفت کے حوالے سے ایک اہم اجلاس منعقد ہوا۔ اجلاس کی صدارت کمشنر ہزارہ فیاض علی شاہ نے کی۔ اجلاس میں کمشنر ہزارہ کو کوہستان کے تینوں اضلاع کے ڈپٹی کمشنرز اور واپڈا حکام نے جاری ترقیاتی منصوبوں پر تفصیلی بریفنگ دی۔اس موقع پر کمشنر ہزارہ نے ہدایت دی کہ تمام مقامی ترقیاتی منصوبے مقررہ وقت پر اور معیار کو یقینی بنا کر مکمل کیے جائیں تاکہ عوام کو بروقت سہولیات فراہم کی جا سکیں۔ اجلاس میں رکن قومی اسمبلی حلقہ این اے-12 محمد ادریس، کوہستان کے تینوں اضلاع کے ڈپٹی کمشنرز، ڈی ایچ پی پی کے افسران اور نیسپاک کے نمائندوں نے بھی شرکت کی۔
