پنجاب بھر میں ہوٹلوں اور باربی کیو مقامات کے خلاف سخت کارروائی کا حکم دے دیا گیا ہے۔ڈی جی ماحولیات عمران حامد شیخ کا بڑا ایکشن، کوئلہ، لکڑی یا چارکول استعمال کرنے والے تمام ریسٹورنٹس پر پابندیاں عائد کر دی گئی ہے۔ تمام ہوٹل اور باربی کیو اسٹیشنز کو 15 دن کے اندر سَکشن ہُوڈز لگانے کا حکم دے دیا گیا ہے۔ڈی جی عمران حامد شیخ کی طرف سے جاری نوٹیفکیشن میں کھلی جگہوں پر دھواں، چکنائی اور بدبو پھیلانے والے ریسٹورنٹس کے خلاف سخت کارروائی کا عندیہ دیا گیا ہے۔حکم عدولی کرنے والے ہوٹل مالکان کے خلاف ماحولیاتی قوانین کے تحت فوری جرمانے اور مقدمات درج کروائے جائیں گے۔فضائی آلودگی برداشت نہیں کی جائے گی — ڈی جی ماحولیات پنجاب عمران حامد شیخ کے مطابق دھواں اور سموگ پھیلانے والے ہوٹل مالکان تیار رہیں — صوبہ بھر میں کریک ڈاؤن شروع کیا جا رہا ہے۔ ماحولیاتی تحفظ ایجنسی کی ٹیمیں فیلڈ میں سرگرم — چیکنگ اور سیلنگ کے احکامات جاری کر دیئے ہیں۔ تمام ڈپٹی کمشنرز کو فوری عملدرآمد یقینی بنانے کی ہدایت کی گئی ہے۔
پنجاب فوڈ اتھارٹی اور ای پی اے کا مشترکہ ایکشن پلان ہے کہ کھلے پکوان والے ہوٹلوں کی سخت نگرانی کی جائے۔15 دن میں سَکشن سسٹم نہ لگانے والوں کے خلاف سخت کارروائی ہوگی —حکومت پنجاب کا واضح پیغام — دھواں چھوڑنے والے ریسٹورنٹس کی کوئی گنجائش نہیں۔
