ڈی جی ایل ڈی اے طاہر فاروق کی ہدایت پرایل ڈی اے کنٹرولڈایریازمیں غیرقانونی رہائشی سکیموں، غیرقانونی تعمیرات وغیرقانونی کمرشل سرگرمیوں کے خلاف بلاامتیاز کارروائیاں جاری ہیں۔ڈائریکٹر میٹرو پولیٹن پلاننگ زون فور نے مختلف علاقوں میں 14غیر قانونی ہاوسنگ سکیموں کے خلاف آپریشن کیا۔ ایل ڈی اے ٹیموں نے غیرقانونی سکیموں کے دفاتر، باؤنڈری وال، گیٹ، سڑکیں و دیگر سٹرکچر مسمار کر دیا۔ٹیموں نے ایلیٹ ولاز، رائل گارڈن، گرین ارتھ ولاز، گلوفرلین فیز ون، گلوفر لین فیز ٹو، تھیڑگارڈن اینڈ ہومز،صوفیہ فارمز، صوفیہ فارمز ٹو،بیدیاں ہومز، اورہ بیدیاں /سیستا انکلیو، گولڈن فارمز، عبدالرزاق گارڈن، آرچرڈ فارمز اور ایس جے گارڈن کے خلاف کارروائی کی۔ آپریشن چیف میٹرو پولیٹن پلاننگ کی زیر نگرانی کیا گیا۔آپریشن سے قبل ان غیر قانونی سکیموں کو متعدد نوٹس جاری کیے گئے تھے۔ڈی جی ایل ڈی اے کی ہدایت پر غیرقانونی رہائشی سکیموں، غیرقانونی تعمیرات و کمرشل سرگرمیوں کے خلاف بلاامتیاز کارروائیاں جاری ہیں۔
