وزیر اعلیٰ گلگت بلتستان حاجی گلبر خان نے اے ڈی پی منصوبوں کے جائزہ اجلاس کے موقع پر گفتگو کرتے ہوئے کہاکہ گلگت بلتستان میں تعمیر و ترقی کے پہیے کو تیز کرنا ہماری حکومت کی ترجیحات میں شامل ہے۔ مفاد عامہ کے منصوبوں پر بروقت کام شروع کرنے اور ورک پلان کے مطابق ان منصوبوں کو مکمل کرنے کیلئے خصوصی اقدامات کئے جائیں۔ وزیر اعلیٰ نے اس موقع پر محکمہ پلاننگ اینڈ ڈویلپمنٹ کو ہدایت کرتے ہوئے کہا کہ مختلف منصوبوں کے پی سی ونز کی منظوری میں غیر ضروری تاخیر سے اجتناب کیا جائے۔ منتخب ممبران اسمبلی کیلئے مختص ترقیاتی بجٹ کے مطابق پی سی ون کی تیاری کو یقینی بنائیں۔ تمام متعلقہ محکمے اپنے پی سی ونز تیار کرکے منظوری کیلئے محکمہ پلاننگ میں جمع کرائیں۔ ترقیاتی بجٹ کو معاشی اصولوں کے مطابق 100 فیصد استعمال کو یقینی بنایا جائے۔ اس موقع پر ایڈیشنل چیف سیکریٹری ڈویلپمنٹ نے اے ڈی پی منصوبوں کے حوالے سے تفصیلی بریفنگ دی۔
ترقیاتی بجٹ کا معاشی اصولوں کے مطابق 100 فیصد استعمال یقینی بنایا جائے،وزیر اعلٰی گلگت بلتستان حاجی گلبر خان
