وزیر اعلٰی پنجاب کے صحت مند پنجاب مشن کے تحت پنجاب فوڈاتھارٹی نے سٹیٹ آف آرٹ منفرد پروگرام متعارف کروا دیا گیا۔ تفصیلات کے مطابق پنجاب فوڈ اتھارٹی کا خواتین کے لیے آن لائن فوڈ سیفٹی ٹریننگ پروگرام متعارف کروایا اور معاون خصوصی وزیر اعلیٰ پنجاب محترمہ سلمیٰ بٹ اور ڈی جی فوڈ اتھارٹی نے پروگرام کا افتتاح کیا۔
اس موقع پر معاون خصوصی وزیر اعلیٰ پنجاب سلمی بٹ نے کہا الیکٹرانک لرننگ مینجمنٹ سسٹم کا آغاز خوش آئند ہے، خواتین اب گھر بیٹھے فارغ اوقات میں فوڈ سیفٹی ٹریننگ حاصل کرسکیں گی، پروگرام میں خواتین کو فوڈ سیفٹی کورسز کی مفت ٹریننگ دی جائے گی،فوڈ سیفٹی ٹریننگ کرنے والی خواتین گھریلو سطح پر بھی خوراک کا چھوٹا کاروبار شروع کر سکیں گی، سلمیٰ بٹ نے خطاب کے دوران کہا ہر سال 600ملین لوگ غیر معیاری خوراک کی وجہ سے بیمار اور 4لاکھ 20ہزار لوگوں کی موت واقع ہوتی ہے۔ سالانہ 1لاکھ 25ہزار سے زائد بچوں کی بچپن ہی میں غیر معیاری خوراک کھانے کی وجہ سے موت واقع ہوتی ہے، اعداد و شمار ہمارے لیے لمحہ فکریہ ہے؛ ابھی سے قابو پانا ہوگا، ای ایل ایم ایس میں اردو زبان میں آسان الفاظ میں فوڈ سیفٹی کی تفصیل بیان کی گئی ہے، معاون خصوصی وزیر اعلیٰ نے کہا یہ وقت بہت قیمتی ہے ہم سب کو اپنی اور قرابت داروں کی صحت کا تحفظ کرنا ہوگا مزید کہا کہ نیوٹریشن امور پر توجہ نہ دینے سے قوتِ مدافعت، قوت صلاحیت، ذہن کمزور ہو جاتا ہے، ہمیں جنک فوڈ پر گھر کے کھانے کو فوقیت دینا ہوگی، اس ٹریننگ میں کچن کی ہائجین اور مینجمنٹ کے حوالے سے آگاہی دی جائے گی۔ ہم خود کی صحت پر توجہ دے کر ہی ترقی یافتہ معاشرہ بنا سکیں گے،وزیر اعلیٰ پنجاب کے تمام اقدامات خواتین کی فلاح کے لیے ہیں، پرائس کنٹرول کے لیے 24گھنٹے حاضر رہنا ہوتا ہے، پہلی خاتون ہوں جسکو یہ عہدہ دیا گیا۔ سلمی بٹ نے کہا عاصم جاوید کی بطور ڈی جی فوڈ اتھارٹی محنت، ایمانداری اور لگن کے نتیجے میں خاطر خواہ بہتری آئی ہے، علاوہ ازیں ڈائریکٹر جنرل پنجاب فوڈ اتھارٹی نے خطاب کے دوران کہا نیشنل نیوٹریشن سروے کے مطابق 41 فیصد خواتین آئرن کی کمی کا شکار ہیں۔ہمیں فوری طور پر نیوٹریشن ایمرجنسی نافذ کرنے کی ضرورت ہے۔ ہمیں کھانے پینے کی عادات بہت خراب ہیں، آج بچے پلے گراونڈ سے دور ہیں۔ڈی جی فوڈاتھارٹی نے کہا سکول کالجز میں پنجاب فوڈ نے نیوٹریشن کیمپس لگا رہی ہے،بچے بچیوں کوغذائیت سے بھرپور خوراک کھانے کی ٹریننگ دی جا رہی ہے۔سکول نیوٹریشن پروگرام کے تحت 10ہزار بچوں کو ابھی تک ٹریننگ دی گئی۔پنجاب فوڈ اتھارٹی ابتک 4لاکھ 50ہزار فوڈ ہیلنڈرز کو فوڈ سیفٹی ٹریننگ دے چکی ہے،رواں سال جون 2025 تک 6لاکھ افراد کو ٹریننگ دینے کی منصوبہ بندی کی گئی ہے۔عاصم جاوید ڈی جی فوڈ اتھارٹی نے مزید بتایا کسی قسم کی فیس کے بغیر گھریلو کچن کی ٹریننگ کے منصوبے سے بنیادی سطح سے بہتری شروع ہو گی، فوڈ سیفٹی آج ہمارے معاشرے کا سنگین مسئلہ بن چکا ہے، پنجاب فوڈ اتھارٹی مختلف اقدامات کر رہی ہے، اس موقع پر پرنسپل کنیرڈ کالج نے کہا پنجاب فوڈ اتھارٹی کے فوڈ سیفٹی کے حوالے سے اقدامات قابلِ تحسین ہیں،عوامی آگاہی سے ہی معاشرے کو بہتری کی جانب گامزن کیا جاسکتا ہے
