وزیراعلیٰ پنجاب مریم نوازشریف نے صوبہ بھر میں مہنگائی کے سدباب کے لئے موثر اور جامع کریک ڈاؤن کا حکم دیا ہے-وزیراعلی مریم نوازشریف نے کمشنرزاورڈپٹی کمشنرزکو گراں فروشی کے خلاف فوری موثر مہم چلانے کی ہدایت کی ہے-وزیراعلی مریم نوازشریف کی زیر صدارت تمام کمشنرز اور ڈپٹی کمشنرز کا ویڈیو لنک اجلاس منعقد ہوا،اجلاس میں ہدایت کی گئی کہ سٹال اور دکانوں پر سرکاری نرخ نامے آویزاں کرنے کی پابندی پر عملدرآمدہر صورت یقینی بنایا جائے-وزیراعلی مریم نوازشریف نے ضروری اشیائے خوردونوش کی طلب ورسد کی کڑی مانیٹرنگ اور ذخیرہ اندوزی روکنے کے لئے فوری کارروائی عمل میں لانے کاحکم دیا ہے- وزیراعلی مریم نوازشریف نے چیف سیکرٹری پنجاب کو گراں فروشی اور ذخیرہ اندوزی کے خلاف مہم کی ذاتی نگرانی کا حکم دیا اور اشیائے ضروریہ کے نرخ کے بارے میں روزانہ جامع رپورٹ پیش کرنے اور اشیائے خوردو نوش کے نرخ اورمعیار کو ہر صورت یقینی بنانے کاحکم بھی دیاہے-وزیراعلی مریم نواز شریف نے ڈپٹی کمشنروں اور اسسٹنٹ کمشنروں کو روٹی اور آٹے کے نرخ پر کڑی نظر رکھنے کی ہدایت کی ہے- وزیراعلی مریم نواز شریف نے فوڈ اتھارٹی کو کھانے پینے کی اشیاء کا معیار یقینی بنانے کے لیے کریک ڈاؤن کا حکم بھی دیاہے-وزیراعلی مریم نوازشریف نے کہاکہ رمضان المبارک میں پھلوں اورسبزیوں کی فراہمی اور نرخ کی کڑی مانیٹرنگ کی جائے گی- وزیراعلی مریم نوازشریف نے ہدایت کی کہ پھلوں اورسبزیوں کے نرخ بڑھانے والو ں کے خلاف موثر قانونی کارروائی کی جائے- وزیراعلی مریم نوازشریف نے کہاکہ رمضان المبارک رحمتوں اور برکتوں کا مہینہ ہے، تاجر برادری غریب عوام کا احساس کریں -پوری دنیا میں رمضان المبارک کے دوران اشیاء کے نرخ کم کئے جاتے ہیں، ہمیں بھی رضا کارانہ طورپر نرخ کم کرنے چاہیے-وزیراعلی مریم نوازشریف نے کہاکہ صوبہ بھر میں سہولت بازاروں میں مارکیٹ سے کم نرخ پر معیاری اشیاء کی فراہمی یقینی بنائی جائے-ڈیش بورڈ پر روزانہ اشیاء خوردونوش کے نرخ خود چیک کررہی ہوں -وزیراعلی مریم نوازشریف نے کہاکہ رمضان المبارک کے دوران گراں فروشی اور ذخیرہ اندوزی کے معاملے میں بلاامتیاز کارروائی کی جائے-رمضان المبارک کے دوران گراں فروشی کے خلاف مہم میں کسی سطح پر کوتاہی برداشت نہیں کی جائے گی-
