میئر حیدرآباد کاشف علی شورو نے میئرسیکریٹریٹ سوک سینٹر میں حیدرآباد میں جاری مختلف ترقیاتی منصوبوں اور سکیموں پر پیشرفت کے جائزہ کے حوالے سے اجلاس طلب کیا ۔اجلاس میں کمشنر حیدرآباد بلال میمن، ڈپٹی کمشنر حیدرآباد زین العابدین میمن، میونسپل کمشنر ظہور احمد لکھن، قاسم آباد ٹاؤن کے چیئرمین عبدالغفور درس، حیدرآباد ڈیویلپمنٹ اتھارٹی کے MD/CEO سید شجاعت حسین، سلیم الدین کنسلٹنٹ ٹو MD واسا،ایکسئین پنجو ملہو ترا، مسعود اقبالSP، پبلک ہیلتھ انجینئرنگ کے ایکسین سندیش، گلام رسول عباسی، حیدرآباد واٹر اینڈ سیوریج کارپوریشن کے ایگزیکٹو انجینئرذیشان ملک،سمیت سندھ سالڈ ویسٹ، بلدیہ اعلیٰ حیدرآباد و دیگر اداروں کے متعلقہ افسران شریک تھے،
اجلاس میں نیاز اسٹیڈیم، جام شورو روڈ پر تعمیر کئے جانے والے اربن فاریسٹ پارک واٹر سپلائی کی سکیموں سمیت حیدرآباد میں تعمیر و ترقی سے متعلق جاری مختلف ترقیاتی اسکیموں و منصوبوں کام کی رفتار اور اب تک ہونے والی پیشرفت اور شر کے انفرا اسٹریکچر کو بہتر بنانے، واسا کے فلٹر پلانٹ کو حیسکو کے ایکسپریس فیڈر سے منسلک کرنے و دیگر ضروری کاموں کا بھی تفصیلی جائزہ لیاگیا،میئر حیدرآباد کاشف علی شورو نے شہر میں جاری کی پرانی اسکیموں سے متعلق معلومات لیں اور ان کی راہ میں حائل رکاوٹوں کو دور کرنے کی ہدایت کرتے ہوئے کہا کہ تمام کاموں کو جلد از جلد مکمل کیا جائے تاکہ کاموں سے متعلق چیف سیکریٹری صاحب سے ہونے والے میٹنگ میں مکمل مفصل رپورٹ دی جاسکے، اسکے علاوہ شہر کیلئے نئی اسکیموں کو شروع کرنے کے حوالے سے تفصیلی بات چیت کی،اس ضمن میں مئیر حیدرآباد اور کمشنر حیدرآباد و ڈپٹی کمشنر حیدرآباد کو جاری ترقیات کاموں سے متعلق مختلف محکموں کے افسران نے پیشرفت سے متعلق بریفنگ بھی دی،
