پاکستان کی ماؤں، بہنوں اور بیٹیوں کو سلام پیش کرتے ہیں۔ لوکل گورنمنٹ ایمپلائز فیڈریشن رجسٹرڈ خیبرپختونخوا ۔عالمی یوم خواتین مساوات، حقوق اور انصاف کی جدوجہد کی علامت ہے۔خواتین کی شمولیت کے بغیر ترقی کا سفر ممکن نہیں۔ پاکستان کی حکومت کے ساتھ فیڈریشن خواتین کو ہر شعبے میں بااختیار بنانے کے لیے پُرعزم ہے۔ خواتین نے جمہوریت اور قومی ترقی میں نمایاں کردار ادا کیا ہے۔محترمہ فاطمہ جناح۔نصرت بھٹو اور شہید بینظیر خواتین کی قیادت اور جدوجہد کی روشن مثالیں ہیں، معاشی، سماجی اور سیاسی ترقی میں خواتین کا کردار کلیدی ہے۔خودمختار اور باہمت خواتین مضبوط معاشرے کی ضمانت ہیں۔لوکل گورنمنٹ ایمپلائز فیڈریشن رجسٹرڈ خیبرپختونخوا خواتین کو با اختیار بنانے ، روزگار کے ذرائع فراہم کرنے اور دستکاری کی مصنوعات کی سکل کی فراہمی کے لئے بلدیاتی اداروں کے سوشل ویلفئر سکولز اور دستکاری سنٹرز کی بحالی کے لئے ہمہ وقت جدوجہد کر رہی ہے۔خواتیں کے عالمی دن کے موقع پر لوکل گورنمنٹ ایمپلائز فیڈریشن رجسٹرڈ خیبرپختونخوا کے عہدیداران نے وزیر اعلیٰ خیبرپختونخوا محمد سہیل آفریدی ، وزیر بلدیات و دیہی ترقی خیبرپختونخوا مینا خان آفریدی ، چیف سیکریٹری خیبرپختونخوا ،سیکریٹری بلدیات و دیہی ترقی خیبرپختونخوا ظفرالاسلام خٹک اور سیکریٹری لوکل کونسل بورڈ وحید الرحمان سے پرزور مطالبہ کیا ہے کہ بلدیاتی اداروں کے دستکاری سکولز کے بندش کے احکام فی الفور واپس لیکر سکولز کی بحالی کے احکام صادر کر کے خواتین کو دستکاری ، ایمبرائیڈری ، سلائی سکھلائی ، نٹنگ ، کٹنگ وغیرہ کی سکل کی فراہمی سے روزگار کے ذرائع فراہم کرنے کے لئے بھر پور کردار ادا کریں۔
عالمی یوم خواتین کے موقع پر خیبرپختونخوا کے بلدیاتی اداروں کے دستکاری سکولز کی بندش کے احکام واپس لینے کا مطالبہ،لوکل گورنمنٹ ایمپلائز فیڈریشن خیبرپختونخوا
