سی ڈی اے نے اسلام آباد میں موسم بہار شجرکاری مہم 2025 کا باقاعدہ آغاز کردیا ہے. موسم بہار شجر کاری مہم 2025 کا آغاز آئی ایم سی بی F-8 سے کیا گیا. شجرکاری مہم کی افتتاحی تقریب میں وزیر اعظم کی کوراڈینیٹر برائے کلائمیٹ چینج رومینہ خورشید عالم، چئیرمین سی ڈی اے محمد علی رندھاوا، سیکرٹری ایجوکیشن محی الدین وانی سمیت کارپوریٹ سیکٹر نے شرکت کی. موسم بہار شجرکاری مہم 2025 میں سول سوسائٹی، تعلیمی اداروں، کارپوریٹ سیکٹرز سمیت نجی شعبہ حصہ لے رہے ہیں.
چیئرمین سی ڈی اے محمد علی رندھاوا نے کہا کہ وزیراعظم پاکستان میاں شہباز شریف کی ہدایت پر موسم بہار شجرکاری مہم کے تحت زیادہ سے زیادہ درخت لگائے جائیں گے. انہوں نے کہا کہ سی ڈی اے وزارت تعلیم اوروزارت موسمیاتی تبدیلی کے اشتراک سے رواں برس شہر بھر میں موسم بہار شجرکاری مہم کے تحت 10 لاکھ پودے لگائے گا.چیئرمین سی ڈی اے محمد علی رندھاوا نے کہا کہ رواں برس شجرکاری مہم کے تحت پھلدار درختوں میں لوکاٹ، امرود، انجیر، انار سمیت دیگر پھلوں کے پودے لگائے جائیں گے. اسی طرح دیسی توت، سیرس، سیپم، میپل لیف اور دیگر اقسام کے پودے بھی شجر کاری مہم میں شامل کئے جارہے ہیں۔ اسی طرح پھولدار پودوں میں املتاس، کچنار اور جاکرنڈا ، اولیو، سکھ چین، ربڑ پلانٹ، ولو، امالا سمیت دیگر اقسام بھی شجرکاری مہم 2025 میں شامل ہیں.چیئرمین سی ڈی اے محمد علی رندھاوا نے کہا کہ موسم بہار شجرکاری مہم 2025 میں سول سوسائٹی، پرائیویٹ اور کارپوریٹ سیکٹر اپنا بھرپور کردار ادا کریں. انہوں نے کہا کہ منسٹری آف ایجوکیشن بچوں کو کاربن کریڈٹ پر ریسرچ کرنے کی ترغیب دے اور اس حوالے سے تعلیمی اداروں میں سیمنار منعقد کرواۓ جائیں. انہوں نے کہا کہ کاربن کریڈٹ کے حوالے سے کی جانے والی سی ڈی اے کو باقاعدہ ریسرچ بھی جمع کروائی جاۓ تاکہ اس سے اتفادہ کیا جا سکے.چیئرمین سی ڈی اے محمد علی رندھاوا نے کہا کہ شجرکاری مہم کے تحت پھلدار اور پھولدار پودوں کا انتخاب کیا جائے. انہوں نے کہا کہ صرف پودے لگانا ہی نہیں بلکہ لگائے گئے پودوں کی حفاظت کو یقینی بنانا بھی بہت ضروری ہے. انہوں نے مزید کہا کہ شجرکاری کی بدولت ہی موسمیاتی تبدیلیوں اور چیلنجرز سے نمٹا جاسکتا ہے.چیئرمین سی ڈی اے نے کہا کہ موسم بہار شجرکاری مہم 2025 کے تحت لگائے گئے پودوں کی بہتر مانیٹرنگ کیلئے ڈیجٹلائزڈ سسٹم بھی متعارف کروایا جارہا ہے اور لگائے جانے والے پودوں کی آئن لائن ٹریکنگ کا نظام بھی بنایا جارہا ہے. انہوں نے مزید کہا کہ شجرکاری مہم کو کامیاب بنانے کیلئے ہم سب کو ملکر اپنا بھرپور کردار ادا کرنا چاہیے.اس موقع پر شجرکاری مہم سے متعلق آگاہی واک کا بھی انعقاد کیا گیا جسمیں کارپوریٹ سیکٹرز کے نمائندگان سمیت طلباء اور شہریوں کی کثیر تعداد نے بھی شرکت کی.
