صوبائی ترقیاتی ورکنگ پارٹی کے اجلاس میں 12 ارب 6کروڑ روپے کی فنڈز منظوری دے دی گئی ہے۔
فنڈز کی منظوری صوبائی ترقیاتی ورکنگ پارٹی کے 67 ویں اجلاس میں دی گئی۔اجلاس کی صدارت چیئرمین پی اینڈ ڈی بورڈ بیرسٹر نبیل احمد اعوان نے کی۔لاہور میں قائداعظم انٹر چینج تا واہگہ بارڈر جی ٹی روڈ کی دوبارہ تعمیرکیلئے 6ارب 94کروڑ منظور کئے گئے۔اٹک میں بین الصوبائی مشترکہ چیک پوسٹوں کی تعمیر کیلئے 1 ارب 96لاکھ منظور ہوئے۔بھکر میں بین الصوبائی مشترکہ چیک پوسٹوں کی تعمیر کیلئے 1 ارب 18کروڑ کی منظوری دی گئی۔
ڈی جی خان میں بین الصوبائی مشترکہ چیک پوسٹوں کی تعمیر کیلئے 88کروڑ منظور کئے گئے۔لاہور چڑیا گھر کی بہتری کیلئے 2 ارب 3کروڑ کی منظوری دی گئی۔اجلاس میں سیکرٹری پی اینڈ ڈی بورڈ ڈاکٹر آصف طفیل نے بھی شرکت کی۔
ممبران پی اینڈ ڈی بورڈ اور متعلقہ سیکٹرز کے افسران بھی شریک ہوئے۔
