مئیر کراچی بیرسٹر مرتضی وہاب نے ڈپٹی مئیر کراچی سلمان عبداللہ مراد کے ہمراہ نو تزئین شدہ عزیز بھٹی پارک کا افتتاح کردیا۔ میئرکراچی کا اس موقع پر کہنا تھا کہ پارک میں شہر کا پہلا فروٹس فارم بنایا گیا ہے، پارک میں سبزیوں کے درخت لگا کر ویجٹیبل گارڈن بنایا گیا ہے۔
میئرکراچی کا کہنا تھا کہ یہ پارک طویل عرصے سے خستہ حالی کا شکار تھا، کے ایم سی کی موجودہ انتظامیہ نے پارک کو درست کرنے کا فیصلہ کیا۔ پارک میں اربن فاریسٹ ،فوڈ فاریسٹ اور سبزیوں کے گارڈن بنائے جائیں گے۔ پیپلزپارٹی کا یہی نظریہ ہے یہ پبلک کی جگہ پبلک کے پاس ہونی چاہیے۔
