ڈپٹی کمشنر دکی فضل الرحمن کبدانی کی ہدایت پر نائب تحصیلدار دکی اکرام اللہ خان نے دکی بازار کا دورہ کیا اور سڑکوں پر موجود ریڑھیوں کے باعث ٹریفک کی روانی اور شہریوں کی آمدورفت میں پیدا ہونے والی رکاوٹوں کا جائزہ لیا۔ اس موقع پر سڑکوں پر قائم ریڑھیوں کو ہٹا کر ریڑھی بانوں کے لیے مختص مقام پر منتقل کر دیا گیا، تاکہ بازار میں ٹریفک کی روانی بحال رہے، شہریوں کو آمدورفت میں سہولت میسر ہو اور عوامی گزرگاہوں کو تجاوزات سے پاک رکھا جا سکے۔ نائب تحصیلدار نے ریڑھی بانوں کو ہدایت کی کہ وہ انتظامیہ کی جانب سے مختص کردہ مقام پر ہی ریڑھیاں لگائیں اور سڑکوں، فٹ پاتھوں و عوامی گزرگاہوں پر تجاوزات قائم کرنے سے گریز کریں۔ انتظامیہ کے مطابق دکی بازار میں نظم و ضبط برقرار رکھنے، تجاوزات کے خاتمے اور شہریوں کو بہتر سہولیات کی فراہمی کے لیے کارروائیاں آئندہ بھی جاری رہیں گی۔
ڈپٹی کمشنر دکی فضل الرحمن کبدانی کی ہدایت پر دکی بازار میں تجاوزات کے خلاف کارروائی،ریڑھیاں مختص مقام پر منتقل
