میئر کراچی مرتضیٰ وہاب کی ہدایت پر غیر قانونی تعمیرات کے خلاف کریک ڈاؤن شروع!کے ایم سی نے بغیر منظوری بنائی گئی ہائی رائز بلڈنگز پر کاروائی کے لیے سندھ بلڈنگ کنٹرول اتھارٹی کو لکھ دیا۔کچی آبادیوں میں بغیر نقشے اور اجازت نامے کے تعمیرات پر فوری کارروائی کی درخواست کی گئی ہے۔بغیر نقشے کے تعمیرات خطرناک اور انسانی جانوں کے لیے خطرہ بن سکتی ہیں: سینئر ڈائریکٹر کے مطابق صرف زمین کا قبضہ ریگولرائز ہوتا ہے، عمارت کا نقشہ منظور کرنا ایس بی سی اے کا اختیار ہے۔کچی آبادیوں میں غیر قانونی بلند عمارتوں کے باعث خطرات بڑھ گئے، ہنگامی بنیادوں پر اقدامات کا فیصلہ کیا گیا ہے۔
کے ایم سی نے افسران کو فوری کارروائی کی ہدایت دے دی۔سندھ حکومت کی پالیسی کے مطابق غیر قانونی اور خطرناک عمارتوں کے خلاف یکساں کارروائی ہوگی۔
