کمشنر لاہور زید بن مقصود کی زیر صدارت ای لائبریری قذافی سٹیڈیم، دو روزہ ای پروکیورمنٹ ڈویژنل ٹریننگ ورکشاپ کا اختتامی سیشن منعقد ہوا۔ ڈی جی پپرا وقار عظیم اور ڈی جی پی آئی ٹی بی ساجد لطیف ،ڈائریکٹر ڈویلپمنٹ جاوید رشید چوہان، ڈپٹی ڈائریکٹر طارق علی، اسسٹنٹ ڈائریکٹر ڈویلپمنٹ لاہور ڈویژن حافظ محمد اقبال نے شرکت کی۔
لاہور ڈویژن کی ای پروکیورمنٹ (ای ٹینڈرنگ) تربیتی ورکشاپ میں گریڈ 17اور 18کے افسران نے شرکت کی۔ کمشنر لاہور نے کہا کہ چیف سیکرٹری پنجاب کی ہدایات پر ڈویژنز و اضلاع میں ای پروکیورمنٹ کے نفاذ کیلئے تربیتی ورکشاپ کا انعقاد کیا گیا ہے۔ یکم جولائی 2024 سے تمام پروکیورنگ ایجنسیز ای پروکیورمنٹ کریں گی۔ انہوں نے کہا کہ اب پروکیورمنٹ مینوئیل نہیں ہوگی۔ شفافیت قائم ہوگی۔ آن لائن سسٹم سے ہوگی۔ کمشنر لاہور نے کہا کہ ای ٹینڈرنگ(ای پروکیورمنٹ) اب پپرا کے مین پورٹل پر رجسٹریشن اور پراسیس کے ذریعے ہوگی۔ دو روزہ ای پروکیورمنٹ ورکشاپ کامیاب رہی ہے۔ پی آئی ٹی بی اور پپرا نے سیشنز مکمل کرائے ہیں۔ کمشنر لاہور نے کہا کہ ای پرکیورمنٹ و ای ٹینڈرنگ کے لیے فوکل پرسنز نامزد کردیئے گئے ہیں۔
