وزیر اعلیٰ پنجاب مریم نواز شریف لیاقت پور کے نواحی بیٹ ظاہر پیر بند پہنچ گئیں۔وزیر اعلیٰ مریم نواز شریف نے منچن بند پر بوٹس اور بیڑے میں آنے والے خاندانوں کو ریسیو کیا۔وزیر اعلیٰ مریم نواز شریف نے سیلاب متاثرہ خواتین کی کشتی سے اترنے میں مدد کی۔بزرگ خاتون کو ہاتھ تھام کر محفوظ مقام پر لائیں اور پانی کی بوتل پیش کی۔
وزیر اعلیٰ مریم نواز شریف نے ننھے بچے کو گود میں اٹھا کر پیار کیا اور پانی پلایا۔وزیر اعلیٰ مریم نواز شریف نے ریسکیو اور پی ڈی ایم اے ٹیموں کو شاباش دی۔وزیر اعلیٰ مریم نواز شریف نے ریسکیو آپریشن میں لائف جیکٹ اور لائف رنگ کا استعمال لازم قرار دیا۔وزیر اعلیٰ مریم نواز شریف کو انخلا آپریشن سے متعلق بریفننگ دی گئی۔سیلاب سے لیاقت پور کے نواحی نور والا، گل محمد لنگاہ،ڈیرہ فریدی اور چوہان کے35 موضع، 84721 آبادی متاثر اور 43 مربع کلومیٹر رقبہ متاثرہوااورسیلاب متاثرین کے لئے 6 ریلیف کیمپ،میڈیکل کیمپ،3 کلینک آن بوٹس12کلینک آن ویل مہیاءکیے گئے۔ بیٹ ظاہر پیر کے نواحی سیلاب زدہ علاقوں سے 12604 آبادی کا انخلا کیا۔ریسکیو آپریشن کے دوران 488 مویشی محفوظ مقامات پر منتقل کیے گئے۔گل محمد لنگاہ کے سیلاب متاثرہ علاقوں میں ریسکیو آپریشن کے لئے ریسکیو اور پولیس کی52 بوٹس مامور ہیں۔
