وزیر اعلیٰ پنجاب مریم نواز کاعزم”مہنگائی ہرگز نہیں“۔ وزیر اعلیٰ مریم نوازشریف نے چکن کے نرخ بڑھنے پر خصوصی اجلاس طلب کر لیا۔ وزیر اعلیٰ مریم نوازشریف نے اجلاس میں چکن کی مصنوعی مہنگا ئی پرتشویش کا اظہار کیا اور صوبے بھر میں چکن اور پولٹری مصنوعات کے نرخ میں مسلسل اضافے پر شدیدبرہمی کا اظہار کیا۔ وزیر اعلیٰ مریم نوازشریف نے چکن کی پرائس کا تعین کرنے کے لئے ریگولیٹری میکنزم تشکیل دینے کا حکم دیا۔ وزیر اعلیٰ مریم نوازشریف نے کہا کہ چکن سب سے زیادہ استعمال ہونے والی اشیاء خوردنی میں شامل ہے،ریٹ بڑھ گئے ذمہ دار ادارے کہاں ہیں؟چکن صوبہ بھر میں عوام کے زیادہ استعمال کی چیز ہے،ریٹ بڑھنا گوارا نہیں۔ انہوں نے کہا کہ پولٹری والے بزنس کریں جائز منافع کمائیں لیکن عوام پر ناجائز بوجھ نہ ڈالیں۔اپنے عوام کا احساس ہے،مافیاز کو مہنگائی کی اجازت نہیں دے سکتے۔وزیر اعلیٰ مریم نوازشریف نے کہا کہ کسی کا نقصان نہیں چاہتے مگر کیا عوام کو مافیاز کے رحم و کرم پر چھوڑ دیں؟۔ مہنگائی کسی صورت قابل قبول نہیں،تمام متعلقہ ادارے فیلڈ میں مانیٹرنگ کریں۔ چکن کی قیمتیں عام آدمی کی پہنچ سے باہر نہیں ہونی چاہیے، نرخ پر نظر رکھی جائے۔ سینئر منسٹر مریم اورنگزیب، وزیر اطلاعات و ثقافت عظمیٰ زاہد بخاری،صوبائی وز راء بلال یٰسین، عاشق حسین،ایم پی اے سلمیٰ بٹ، پرنسپل سیکرٹری ساجد ظفر ڈال، سیکرٹریز، ڈی جی انڈسٹریز اور دیگر حکام نے اجلاس میں شرکت کی۔
وزیر اعلیٰ پنجاب مریم نواز کاعزم”مہنگائی ہرگز نہیں“۔ چکن کے نرخ بڑھنے پر خصوصی اجلاس
