وزیر اعلیٰ خیبر پختونخوا محمد سہیل آفریدی نے غلام اسحاق خان انسٹیٹیوٹ (GIK) – صوابی کا دورہ کیا، جہاں انہوں نے فیکلٹی اپارٹمنٹس کا باقاعدہ افتتاح کیا۔ اس موقع پر انہوں نے قبائلی اضلاع سے تعلق رکھنے والے طلبہ کے لیے 20 نئے اسکالرشپس کا اعلان بھی کیا۔جب بھی طلبہ کو ضرورت پیش آئی، عمران خان کی صوبائی حکومت ان کی بھرپور مدد کے لیے موجود ہوگی۔
انہوں نے یقین دلایا کہ خیبر پختونخوا میں کوئی بھی بچہ صرف مالی مشکلات کے باعث اپنی تعلیم ادھوری نہیں چھوڑے گا۔طلبہ نئے خیالات اور تخلیقی آئیڈیاز لے کر سامنے آئیں، حکومت خیبر پختونخوا ایسے تمام اقدامات کی مکمل سرپرستی کرے گی مضبوط ادارے ہی مضبوط ریاست کی بنیاد ہوتے ہیں، اس لیے ہمیں اپنے اداروں کو مزید مستحکم کرنا ہوگا۔دیگر صوبوں سے آئے ہوئے طلبہ کو خوش آمدید کہتے ہیں، وہ اس ادارے کو اپنا گھر سمجھیں، کیونکہ وہ ہمارے مہمان ہیں۔ GIK انسٹیٹیوٹ قومی یکجہتی کی ایک بہترین مثال بن چکا ہے۔وزیر اعلیٰ نے یہ جان کر مسرت کا اظہار کیا کہ انسٹیٹیوٹ کے انجینئرنگ ڈیپارٹمنٹس میں 500 سے زائد طالبات زیر تعلیم ہیں۔ انہوں نے کہا کہ GIK کے گریجویٹس پوری دنیا میں پاکستان کا نام روشن کر رہے ہیں، جو ہم سب کے لیے باعثِ فخر ہے۔
