مشیر خزانہ خیبر پختونخوا مزمل اسلم نے خیبر پختونخوا گندم ریلیز پالیسی پر جاری بیان میں کہا ہے اور خیبر پختونخوا گندم ریلیز پالیسی اعلامیہ سے پنجاب اور سندھ کے اوپن مارکیٹ میں اج نرخ کم ہوگئے۔ سندھ اور پنجاب کے گندم ریلیز سے نرخ کیوں کم نہیں ہو رہے تھے ؟ملک میں گندم اور آٹے کا بحران پنجاب حکومت کی وجہ سے ہے۔ ملکی گندم کا سارا انحصار پنجاب اور سندھ پر ہے۔ پنجاب حکومت نے گندم اور آٹے پر غیر قانونی پابندی عائد کی تھی۔ پنجاب حکومت نے گندم و آٹے پر پابندی لگا کر آرٹیکل 151 کی مسلسل خلاف ورزی کی۔ پنجاب گندم پابندی کی وجہ سے خیبرپختونخوا کو 10 سے 12 فیصد آٹا مہنگا مل رھا ہے۔ خیبر پختونخوا میں 5 ہزار فی من گندم کا نرخ پہنچ گیا تھا۔خیبر پختونخوا حکومت اپنے اسٹرٹیجک ذخائر سے 136 میٹرک ٹن گندم ریلیز کرے گی۔ خیبر پختونخوا حکومت کا 20 کلو آٹا کا تھیلا کا نرخ 2220 روپے مقرر ہے۔ خیبر پختونخوا سرکاری آٹے تھیلا پر گرین سٹیمپ لگا ہوگا۔ اب خیبر پختونخوا کے عوام کو آٹا 125 روپے فی کلو کی جگہ 104 روپے میں ملے گا۔
