پاکستان کا سب سے بڑا شہر کراچی دنیا کے سستا ترین شہر ہے اور اس بات کا انکشاف سربیا کی ایک کمپنی کی جانب سے کئے گئے سروے میں ہوا ہے۔سربیا کی ڈیٹا کمپنی نمبیو کی جانب سے دنیا کے 218 شہروں کا سروے کیا گیا اور اس سروے کے ذریعے تیار کی جانے والی فہرست میں امریکا کے شہر نیویارک کو بنیاد بنایا گیا تھا۔
نیویارک کی طرز زندگی کے اخراجات، کرائے، سودا سلف، ہوٹلوں کی قیمتیں اور مقامی افراد کی قوت خرید سے دیگر شہروں کا موازنہ کیا گیا۔ اس فہرست میں جنوری سے جون 2024 تک کے ڈیٹا کی جانچ پڑتال کی گئی۔
فہرست کے مطابق دنیا کا سستا ترین شہر کراچی ہے جو نیویارک کے مقابلے میں 81 فیصد سستا ہے۔ جس کے بعد لاہور دوسرا سستا ترین شہر ہے۔ لاہور سے اوپر بھارتی شہر کولکتہ ہے جبکہ اسلام آباد دنیا کا چوتھا سستا ترین شہر قرار دیا گیا۔ فہرست میں بھارتی شہر کولکتہ کو تیسرا اور چنئی کا پانچواں نمبر ہے۔
اسی فہرست میں سوئٹزر لینڈ کا شہر جنیوا دنیا کا مہنگا ترین شہر ہے جو نیویارک کے مقابلے میں 1.7 فیصد زیادہ مہنگا ہے۔ دوسرے نمبر پر زیورخ اور تیسرے پر نیویارک ہے۔
