ایوان اقبال کمپلیکس کے زیراہتمام پاکستان،کرغستان ثقافتی ،تعلیمی اور سیاحتی تعلقات کے حوالے سے پروگرام کا انعقاد

ایوان اقبال کمپلیکس کے زیراہتمام پاکستان،کرغستان ثقافتی ،تعلیمی اور سیاحتی تعلقات کے حوالے سے پروگرام کا انعقاد کیا گیا۔ تقریب کے مہمان خصوصی کرغستان کے اعزازی قونصل مہر کاشف یونس تھے جبکہ تقریب سے سی ای او اعزازی قونصلیٹ روسی فیڈریشن ڈاکٹر اشرف نظامی،سینئر صحافی سلمان غنی نے بھی خطاب کیا۔تقریب کے میزبان ایڈمنسٹریٹر ایوان اقبال انجم وحید تھے۔اس موقع پر کرغستان کی ثقافت بارے نمائش کا اہتمام کیا گیا،تقریب کے دوران پنجاب اور کرغستان کی ڈاکیومنٹریز دکھائی گئیں۔ اعزازی قونصل مہر کاشف یونس نے اپنے خطاب میں پاکستان،کرغستان کے تاریخی روابط اور ثقافت پر بات چیت کی۔ڈاکٹر اشرف نظامی نے کرغستان میں میڈیکل کی ایجوکیشن کے بارے میں بتایا۔سینئر صحافی سلمان غنی نے طلبا پر زور دیا کہ اگر وہ کامیاب ہونا چاہتے ہیں تو تعلیم پر بھرپور توجہ دیں۔