خیبر پختونخوا صوبائی سروسز اکیڈمی کے 15 رکنی وفد کا پنجاب ریونیو اتھارٹی کا مطالعاتی دورہ

خیبر پختونخوا صوبائی سروسز اکیڈمی کے 15 رکنی وفد نے پنجاب ریونیو اتھارٹی کا مطالعاتی دورہ کیا۔فرسٹ سینئر مینجمنٹ کورس کے ممبران کو چیئرمین پی آر اے معظم اقبال سپرا نے محکمانہ امور بارے بریفنگ دی۔ اس موقع پر چیئرمین پی آر اے نے کہا کہ محکمانہ قوانین کی تشریح، تکنیکی اور قانونی پہلوؤں بارے افسران کو سمجھنا ازحد ضروری ہے۔ پی آر اے میں افسران کی کارکردگی کو ای سسٹم سے منسلک کرنے سے نتائج میں واضح بہتری آئی ہے۔پنجاب میں رواں سال تاریخ کے سب سے بڑے ٹیکس کولیکشن ہدف کی تکمیل کیلئے کوشاں ہیں۔ سروسز سیکٹر کا دائرہ کار وسیع ، آئی ٹی بیسڈ اصلاحات سے تمام سیکٹرز کیلئے آسانی ہوئی ہے۔ سینیئر مینجمنٹ کورس پر آئے وفد نے پی آر اے میں اصلاحات اور محصولات میں نمایاں اضافے کو سراہا۔مواصلات و تعمیرات، ایکسائز، ٹیکسیشن و نارکوٹکس کنٹرول، آبپاشی، سائنس اور آئی ٹی کے محکموں کے افسران شامل تھے۔