میئر حیدرآباد کاشف علی شورو نے حیدرآباد میں مقیم کشمیری برادری کے معززین اور ووٹرز سے ملاقات کی، جس میں آزاد جموں و کشمیر قانون ساز اسمبلی کے حلقہ LA-40 (Valley-1) سے پاکستان پیپلز پارٹی کے نامزد امیدوار عامر عبدالغفار لون کی انتخابی مہم کے حوالے سے تبادلۂ خیال کیا گیا۔اس موقع پر میئر حیدرآباد نے کشمیری ووٹرز سے اپیل کی کہ وہ 2 اگست 2026 کو ہونے والے انتخابات میں پاکستان پیپلز پارٹی کے امیدوار عامر عبدالغفار لون کو تیر کے انتخابی نشان پر بھرپور ووٹ دے کر کامیاب بنائیں۔ انہوں نے کہا کہ پاکستان پیپلز پارٹی ہمیشہ کشمیری عوام کے جمہوری اور آئینی حقوق کی حامی رہی ہے اور کشمیری برادری کے مسائل کے حل کے لیے اپنی جدوجہد جاری رکھے گی۔
