صوبائی وزیر برائے ہاؤسنگ اینڈ اربن ڈویلپمنٹ بلال یاسین کی زیر صدارت محکمانہ امور کی مانیٹرنگ بارے جائزہ اجلاس ہوا۔ سیکرٹری ہاؤسنگ نورالامین مینگل نے جاری پراجیکٹس کے موجودہ تناسب اور اقدامات بارے آگاہ کیا۔ ڈی جی ایل ڈی اے نے جاری ترقیاتی منصوبوں کی پیش رفت اور آئندہ مالی سال کے مجوزہ منصوبوں بارے بریفنگ دی۔ اس موقع پر وزیر ہاؤسنگ بلال یاسین کا کہنا تھا کہ مون سون سے قبل واسا کے 15 اضلاع میں جاری پراجیکٹس کی بروقت تکمیل ہر صورت یقینی بنائی جائے۔ انہوں نے گزشتہ ہفتے ساہیوال،اوکاڑہ، ملتان اور ڈی جی خان کے ازخود فیلڈ وزٹ کیے، تاخیر برداشت نہیں ہوگی۔ ترقیاتی کاموں کے معیار کی جانچ پڑتال کیلئے افسران فیلڈ سائٹس کی سرویلنس یقینی بنائیں گے۔ صوبائی وزیر بلال یاسین کا مزید کہنا تھا کہ ایل ڈی اے شہر میں جاری میگا پراجیکٹس کی ٹائم لائن اور مجوزہ اقدامات پر ورکنگ مکمل کرے۔ رواں مالی سال کے جاری پراجیکٹس کے معیار اور تکنیکی پہلوؤں سے جانچ یقینی بنائی جائے۔ وزیر اعلیٰ پنجاب کی جاری کردہ ڈیڈ لائن سے قبل منصوبوں کی تکمیل اور افادیت بارے مفصل رپورٹ تیار کرنے کی ہدایت کردی۔
*مون سون سے قبل واسا کے 15 اضلاع میں جاری پراجیکٹس کی بروقت تکمیل یقینی بنائی جائے۔ وزیر ہاؤسنگ پنجاب*
