پنجاب حکومت نے فلڈ ریلیف آپریشن کے دوران جاں بحق ہونے والے اسسٹنٹ کمشنر پتوکی فرقان احمد خان کو اعلی سول ایوارڈ دینے کا فیصلہ کیا ہے۔ فلڈ ریلیف کےلئے فرائض منصبی ادا کرتے ہوئے جاں بحق ہونے والے فرقان احمد کے ورثا کو ایک کروڑ روپے گرانٹ بھی دی جائے گی ۔ وزیراعلیٰ پنجاب مریم نواز شریف نے اے سی فرقان احمد کےلئے اعلیٰ سول ایوارڈ اور ایک کروڑ روپے دینے کی منظوری دیدی۔ اسسٹنٹ کمشنر پتوکی فرقان احمد خان کینسر مریض ہونے کے باوجود چار دن سے مسلسل فلڈ ریلیف ڈیوٹی کررہے تھے ۔ مرحوم فرقان احمد خان پتوکی کے سیلاب زدہ علاقے میں متاثرین کو ریسکیو و ریلیف آپریشن میں مصروف رہے۔ فرقان احمد مرحوم نے پتوکی میں سیلاب متاثرین کو خوراک، میڈیسن اور دیگر سہولیات کے لئے مسلسل کام کیا ۔ وزیراعلیٰ مریم نواز شریف نے مرحوم فرقان احمد کی خدمات کو خراج تحسین پیش کیا۔ وزیراعلیٰ مریم نواز شریف نے کہا کہ مشکل ترین حالات میں عوام کی مدد کرتے ہوئے اپنی جان کا نذرانہ پیش کرنے والے ہی حقیقی ہیرو ہیں۔فرقان احمد کی فرض شناسی ہمیشہ یاد رکھی جائے گی۔
*فلڈ ریلیف آپریشن کے دوران جاں بحق ہونےوالے اسسٹنٹ کمشنر پتوکی فرقان احمد خان کو اعلیٰ سول ایوارڈ دینے کا فیصلہ*
