ڈی جی ایل ڈی اے طاہر فاروق کی ہدایات پر ایل ڈی اے ٹاؤن پلاننگ ونگ غیرقانونی کمرشل عمارتوں، کمرشل فیس نادہندگان املاک کے خلاف متحرک ہے۔ ایل ڈی اے ٹیموں نے مختلف سکیموں اور ایل ڈی اے کنٹرولڈ ایریا میں آپریشن کر کے123املاک سربمہر کر دیں۔
ٹیموں نے ڈیفنس روڈ،گلبرگ، نیو گارڈن ٹاؤن، وحد ت روڈ، سبزہ زار، گجرپور ہ میں کارروائیاں کیں۔ایل ڈی اے ٹیموں نے آپریشن کے دوران غیر قانونی کمرشل استعمال،کمرشل فیس کی عدم ادائیگی پرڈیفنس روڈ پر56،گلبرگ، نیو گارڈن ٹاؤن میں 27،گجرپور ہ میں 8 املاک سربمہر کردیں۔ ٹیموں نے ریکوری آپریشن کے دوران وحدت روڈ، سبزہ زار میں 32املاک سربمہر کر دیں۔ سیل کی گئی املاک میں نجی سکول،ہارڈ ویئر سٹور،ریستوران، سینٹری سٹور، الیکٹرک سٹور، ورکشاپ، فو ڈ پوائنٹ، دکانیں، دفاتر ودیگر شامل ہیں۔ آپریشن چیف ٹاؤن پلانرون اسد الزمان اور چیف ٹاؤن پلانر ٹو اظہر علی کی زیر نگرانی کیا گیا۔ڈی جی ایل ڈی اے کی ہدایت پر غیرقانونی کمرشل عمارتوں، کمرشل فیس نادہندگان املاک کے خلاف بلاامتیاز کارروائیاں جاری ہیں۔
