*وزیر اعلیٰ خیبر پختونخوا محمد سہیل آفریدی نے لائیو سٹاک منیجمنٹ انفارمیشن سسٹم کا افتتاح کر دیا*

خیبر پختونخوا حکومت کا ڈیجیٹل گورننس کی جانب اہم قدم، وزیر اعلیٰ محمد سہیل آفریدی نے لائیو سٹاک منیجمنٹ انفارمیشن سسٹم کا افتتاح کر دیا۔ لائیو سٹاک دیہی معیشت کی ریڑھ کی ہڈی ہے، اسے جدید ڈیجیٹل نظام سے ہم آہنگ کیا جا رہا ہے۔وزیر اعلٰی سہیل آفریدی نے اس موقع پر مزید کہا کہ جدید ڈیجیٹل نظام کسانوں کو براہ راست فائدہ پہنچانے اور انہیں بااختیار بنانے میں مددگار ثابت ہوگا۔ایل ایم آئی ایس سے لائیو سٹاک سروس ڈیلیوری میں شفافیت، جوابدہی اور بہتر گورننس یقینی ہوگی۔ ایل ایم آئی ایس لائیو سٹاک سیکٹر میں اصلاحات کے نئے دور کا آغاز ہے۔ایل ایم آئی ایس کے تحت ٹول فری لائیو سٹاک ہیلپ لائن قائم ہوگی، کسان براہ راست ماہرین سے رہنمائی حاصل کر سکیں گے۔ بریفنگ میں بتایا گیا کہ مویشیوں کی ویکسینیشن، علاج اور افزائش نسل کی سروسز کی ڈیجیٹل مانیٹرنگ ہوگی۔ایل ایم آئی ایس سے لائیو سٹاک سروس ڈیلیوری مرکزی ڈیجیٹل نظام سے منسلک ہو گئی۔کسان، ویٹرنری اسپتال، موبائل کلینکس اور فیلڈ اسٹاف ایک ڈیجیٹل پلیٹ فارم پر یکجا ہوگئے۔ پہلی بار جیو ٹیگڈ فارمر اور لائیو سٹاک کا ڈیٹا بیس تیار ہوگا۔ نسل، عمر اور جنس پر مبنی ریکارڈ اور ادویات و ویکسین کی خریداری کی نگرانی ڈیجیٹل ہوگی ۔جانوروں کی شناخت QR کوڈ کے ذریعے ہوگی، بیماریوں کی نشاندہی کے لیے ریئل ٹائم نگرانی کا نظام فعال ہوگا۔