وزیر اعلیٰ پنجاب ترقیاتی منصوبوں کی تکمیل کے لیے چھٹی کے روز بھی ضلعی انتظامیہ فیلڈ میں متحرک ہے۔ کمشنر لاہور مریم خان کی سربراہی میں لاہور انتظامی افسران نے اڈہ مل سندر روڈ و مانگا روڈ کا دورہ کیا۔ اس موقع پر ڈی سی لاہور کیپٹن ر علی اعجاز، ڈی جی ایل ڈی اے طاہر فاروق، ایم ڈی واسا سمیت سی او ایم سی ایل، ماحولیات، پی ایچ اے، سی اینڈ ڈبلیو، ایل ڈبلیو ایم سی کے افسران بھی ہمراہ تھے۔ کمشنر لاہور نے اڈہ مل اور سندر روڈ کے دونوں اطراف موجود ڈرینز پر جاری ڈی سلٹنگ آپریشن کا جائزہ لیا۔ انہوں نے مانگا روڈ پر صفائی اور سڑکوں پر پانی چھڑکاو آپریشن کا جائزہ لیا گیا۔کمشنر لاہور مریم خان نے ضلعی انتظامی محکموں کو ہدایات دیتے ہوئے کہا کہ سی اینڈ ڈبلیو اور واسا ڈرینز کے دونوں اطراف کو ریگولر بنیادوں پر صاف کرے، پی ایچ اے اور ایل ڈبلیو ایم سی ڈویلپمنٹ ایریا میں اپنی ٹیموں میں اضافہ کرے۔ پوری روڈ پر نان بلٹ اپ ایریا پر پی ایچ اے درخت لگائے۔ کمشنر لاہور نے ہدایت دیتے ہوئے کہا کہ وزیراعلی پنجاب ترقیاتی وژن کی تحت لاہور کا ہر ایریا یکساں اہمیت کا حامل ہے، اے سی رائیوںڈ کی سربراہی میں جوائنٹ ٹیم تشکیل دیں اور تجاوزات مکمل خاتمہ آپریشن شروع کرے، سڑک تا دکان تک ایریا ہموار کریں، تمام دکانوں کا فساڈ یکساں اور دیدہ زیب کرائیں۔
