کمشنر لاہور زید بن مقصود کی زیر صدارت خیبر پختونخوا صوبائی تربیتی افسران کیلئے تعارفی بریفنگ اجلاس کا انعقاد کیا گیا۔ خیبر پختوانخوا کے صوبائی زیر تربیت 28 پی ایم ایس افسران کی کمشنر لاہور آفس آمد۔ کمشنر لاہور ڈویژن زید بن مقصود نے زیر تربیت صوبائی افسران کو خوش آمدید کہا اور لاہور سطح پر تمام محکموں کے درمیان رابطہ کار میکانزم و ورکنگ بارے صدارتی بریفنگ دی اور پنجاب حکومت کے شہری خدمات فراہمی کے نئے پروگرامز پر روشنی ڈالی۔ تربیتی افسران کو لاہور ڈویلپمنٹ پراجیکٹس، ستھرا پنجاب، پرائس چیکنگ، کےپی آئیز، سوشو اکنامک رجسٹریشن و دیگر اہداف و انتظامات پر آگاہ کیا گیا۔ ڈی سی لاہور سید موسی رضا نے تجاوزات خاتمہ، ماڈل ریڑھی بازاروں اور جھگیوں کی منتقلی کے حوالے سے بریفنگ دی۔ سی ای او ایل ڈبلیو ایم سی بابر صاحبدین نے خیبر پختونخواصوبائی افسران کو صفائی، ستھرا پنجاب، کارکردگی، چیلنجز اور اہداف بارے تفصیلا بریفنگ دی. ایڈیشنل ڈی جی ایل ڈی اے ڈاکٹر مجتبٰی نے خیبر پختونخواصوبائی افسران کو پرائیویٹ و ریگولر ہاؤسنگ سوسائیٹیز اور ون ون ونڈو خدمات فراہمی بارے بریفنگ دی۔
کمشنر لاہور کا مزید کہنا ہے کہ لاہور میں ٹرائی کرکٹ سیریز، ہارس اینڈ کیٹل شو، چیمپینز ٹرافی، ریجنل کانفرنس کیلئے انتظامات کیے جارہے ہیں، لاہور میں ضلعی انتظامیہ کا تجاوزات خاتمے اور ٹریفک روانی کیلئے موثر کریک ڈاون جاری ہے۔ کمشنر لاہور نے کے پی انلینڈ سٹڈی ٹور کی مینیجمنٹ کے سینیر افسران کو شیلڈز بھی دیں۔اجلاس میں ڈی سی لاہور سید موسی رضا، ایڈیشنل کمشنر عبدالسلام عارف، ایڈیشنل کمشنر حامد محمود ملہی، ایڈیشنل ڈی جی ایل ڈی اے ڈاکٹر مجتبی بھروانہ سمیت واسا، ایم سی ایل، سی اینڈ ڈبلیو، پی ایچ اے، ایل ڈبلیو ایم سی افسران نے شرکت کی جبکہ اضلاع کے ڈی سی ز کی بزریعہ ویڈیو لنک اجلاس میں شرکت کی۔
